ଉତ୍କଳ ଦିବସ
ଉତ୍କଳ ଦିବସ
ଆସଆସ ସବୁ ଆଦରର ଶିଶୁ
ଉତ୍କଳ ଦିବସ ପାଳି
ମନ ଗହନକୁ ସନ୍ତୋଷ କରିବା
ନାଚିକୁଦି ଖେଳଖେଳି।୧
ବର୍ଷକରେ ଆଜି ଆସିଛି ଦେଖରେ
ମନ ମନ୍ଦିରକୁ ଆମ
ଧର୍ମ ଆଉ କର୍ମ କରିବା ଆନନ୍ଦେ
ଏହି ଏ ଉତ୍କଳେ ଧାମ।୨
ମନେ ପକାଇବା ଆତ୍ମୋତ୍ସର୍ଗ ଯେତେ
କରିଥିଲେ ଉତ୍କଳକୁ
ସଂଗ୍ରାମ କରିକି ଝାସ ଦେଇଥିଲେ
ସ୍ବାଧୀନତା ଆଣିବାକୁ।୩
ନିଜର ଜୀବନ ତୁଚ୍ଛ କରିଥିଲେ
ଭଲପାଇ ଏ ଉତ୍କଳ
ସ୍ବଚ୍ଛତା ସହିତ ଲଢି଼ଥିଲେ ଦିନେ
ଦେହମନେ ଧରି ବଳ।୪
ସେହି ମହାତ୍ମାକୁ କୋଟିଏ ପ୍ରଣାମ
ଆସଆସ ଶିଶୁଗଣ
ଫୁଲ ଉପହାର ସମର୍ପଣ କରି
ଜୀବନକୁ କର ପଣ।୫
ପ୍ରଚାର କରିବା ଗାଇ ମହାଧ୍ବନୀ
ଯେଉଁମାନେ ହିଁ ପୂର୍ବଜ
ସେମାନେ ନ ଥିଲେ ଆଜିକାଲି ସବୁ
କରନ୍ତେ କି'ରେ ମଉଜ।୬
ଦାସ ସେନାପତି ରାୟ ରାଓ ଆଜି
ଆମକୁ କୃତାର୍ଥ କରି
ଛାଡି଼ ଯାଇଛନ୍ତି ମର୍ତ୍ତ୍ଯର ଧାମରେ
ନିସ୍ବାର୍ଥ ଭାବନା ଧରି।୭
କେତେ ଭାଗ୍ଯବାନ ନୁହେଁକି'ରେ ତୁମେ
ଯାହାଙ୍କର ପାଇଁ ଆଜି
ସାରା ଏ ଓଡି଼ଶା ପାଳନ କରୁଛି
ଜୟଜୟ ନାମ ଭଜି।୮
ସଭିଙ୍କର ପରି ଏଠି ଯେତେ ଶିଶୁ
ଆସରେ ପ୍ରଣାମ ସହ
ସ୍ମୃତିର ଏ ଦିନ ରଖିବା ହୃଦୟେ
ଆନନ୍ଦେ ବୁହାଇ ଲୁହ।୯
ଦୁଇହସ୍ତ ଯୋଡି଼ ଆବାହନ ଆଉ
ବିସର୍ଜନ କରିବାକୁ
ଧୂପ ଦୀପ ସହ ପୁଷ୍ପଗୁଚ୍ଛ ଦେଇ
ପାଳିବା ଏହି ଦିନକୁ।୧୦