ତୁମକୁ ଖୋଜୁଛି

ଖୋଜିଛି ତୁମକୁ ସାଗର ଜଳରେ ଖୋଜିଛି ଗିରି କାନନେ,

ଖୋଜିଛି ତୁମକୁ ଗଗନେ ପବନେ ଖୋଜେ ନିତି ପ୍ରତି ସ୍ଥାନେ !

ଖୋଜିଛି ତୁମକୁ ଅନନ୍ତ ଆକାଶେ ଖୋଜିଛି ଦିଗୁ ଦିଗନ୍ତ,

ଖୋଜିଛି ତୁମକୁ ମାଟି ଓ ମଟାଳେ ମୁଁ ଖୋଜେ ଆକୁଳେ ତୁରନ୍ତ !

ଖୋଜିଛି ତୁମକୁ ରେଣୁରେ ଅଣୁରେ ଖୋଜେ ସୁକ୍ଷ୍ମ ସ୍ଥୂଳ ସ୍ଥାନେ,

ଖୋଜିବା ସରେନି ଆଶା ମୋ ମରେନି ଖୋଜେ ପୁଣି ମନେ ମନେ !

ବଡ ଦେଉଳରେ ଖୋଜିଛି ତୁମକୁ ଗୀର୍ଜାରେ ଖୋଜିଛି ଯାଇ,

ମସଜିଦି ଗୁରୁଦ୍ବାରେ ମୁଁ ଭାବିଛି ତୁମକୁ ଖୋଜିବି ଯାଇ !

ଖୋଜିଛି ତୁମକୁ ଜୀବ ଜୀବାତ୍ମାରେ ଖୋଜିଛି ପଥପ୍ରାନ୍ତରେ,

ଯେତେ ଖୋଜୁଥିଲେ କେମିତି ପାଇବି ତୁମେ ପରା ମୋ ଅନୁରେ !

ସତରେ ଠାକୁରେ ରହିଛ ଅନ୍ତରେ ମୁଁ ମରିଚିକା ପଛେ ଧାଏଁ,

ଏ ଚନ୍ଦ୍ରକାନ୍ତ କୁ ଦେଖାଦେବ କି ହେ ଖୋଜିବିନି ଆଉ ହାଏ ।।