ତୁମେ ତ ମୋହର
ତୁମେ ତ ମୋହର
ତୁମେ ତ ମୋହର ତୁମେଟିଏ ବୋଲି
ଜୀବନର ପ୍ରତିଟି ସ୍ପନ୍ଦନ,
ତୁମେ ତ ମୋହର ତୁମେଟିଏ ବୋଲି
ପ୍ରତିଟି କାବ୍ୟର ବନାନ ।
ତୁମେ ତ ମୋହର ନୂଆଁ ଜାମା ପିନ୍ଧା
ଫୁଲେଇ ଗେଲ୍ଳା ପ୍ରେମିକାଟି,
ଫୁଳୁକା ଗାଳରେ ଗୋଲାପୀ ଓଠଟା
ଚୋରି ଚୋରି ଏକ ଚୁମାଟିଏ ।
ତୁମେ ତ ମୋହର ତୁମେ ଟିଏ ବୋଲି
ସବୁବେଳେ ଅତି ଆପଣାର,
ତୁମର ଯୌବନ ଖୋଜୁଅଛି ଆଜି
ଶତ କମ୍ପନ ମୋ ହୃଦୟର ।
ତୁମେ ତ ମୋହର ତୁମେ ଟିଏ ବୋଲି
ସଜାଇ ଦେଇଛି ଶେଜ ମୋର,
ଚନ୍ଦନ ଅତର ଢାଲିଛି ସେଥିରେ
ମନେ ପଡୁଅଛି ସେ ବାସର ।
ତୁମେ ତ ମୋହର ତୁମେ ଟିଏ ବୋଲି
ଖୋଜୁଅଛି ମୁହିଁ ସାରା ଘର,
ସହସ୍ର ସପନ ଦେଖୁଛି ତୁମକୁ
ଶୀତରେ କମ୍ପୁଛି ଦେହ ମୋର ।