ତୋତେ ବଞ୍ଚିବାକୁ ହେବ

ତାତ୍ସଲ୍ଯର ଶବ୍ଦମାଳକୁ ପିନ୍ଧିବାକୁ ହେବ

ଅପମାନ ବିଷ ତୋତେ ପିଇବାକୁ ହେବ

ଆତ୍ମସମ୍ମାନ ପାଇଁ ବାବୁ ଲଢିବାକୁ ହେବ

ଲୁହକୁ ସାଇତି ରଖିଥାରେ ମୁକ୍ତା ସଜାଇବୁ

ଜୀବନ ଦେଖିବୁ ତ ତୋତେ ବଞ୍ଚିବାକୁ ହେବ ।

ଜୀବନ ତୋ' ପ୍ରତି ସର୍ବଦା ନିଷ୍ଠୁର ସାଜିବ

ମିଛ ହସ ବର୍ଷାରେ ଜାଣେ ଭିଜିବାକୁ ହେବ

ଯେତେ ସରଳ ହେବୁ ସେତେ ଜଟିଳ ଦିଶିବ

ଦୁଃଖକୁ କରିଦେ ତୁ' ସଞ୍ଜିବନୀ ଜୀବନର

ଲୁଚାଇଦେ ମନ, ରୂପ ଦେଖାଇବାକୁ ହେବ ।

ମଶାଣିର ଅନୁଭବେ ଭଜନ ଗାଇବାକୁ ହେବ

ଈଶ୍ବର ଭୁଲିଲେ ବି ପ୍ରାର୍ଥନା କରିବାକୁ ହେବ

କ୍ରନ୍ଦନ ନୀରବି ଯାଇ ଓଠ ହସିବାକୁ ହେବ

ମନୁଷ୍ଯ ଟେ ଛାର ଇଛାର କ୍ରୀତଦାସ ତୁହିରେ

ବାସ୍ତବେ ପ୍ରତିକ୍ଷଣେ ତୋତେ ମରିବାକୁ ହେବ ।

ଅନ୍ୟ ସୁଖ ପାଇଁ ତୁ ହସିବୁ ତୋ' ଜୀବନ କଟିବ

ତୋତେ ଦେଖି ଏ ମାଟି, ଆକାଶ ବହୁତ କାନ୍ଦିବ

ଯନ୍ତ୍ରଣା ତୋର ସାଥେସାଥେ ଏମିତି ଚାଲିଥିବ

ଦୀର୍ଘପଥ ଅପେକ୍ଷାରେ ରହିଛି ଜୀବନ ଶବ

ହୁତୁହୁତୁ ହୋଇ ତୋତେ ବାବୁ ଜଳିବାକୁ ହେବ ।