ତୋରି ପାଇଁ
ତୋରି ପାଇଁ
ଶ୍ରାବଣ ପଦାର୍ପଣ କଲେ
ପ୍ରଥମେ ମନେ ପଡେ ଏହିଦିନ
କ୍ୟାଲେଣ୍ଡର ରେ ଦେଖିଥାଉ
କେବେ ପୂର୍ଣ୍ଣିମା,ପଡୁଛି କେଉଁ ଦିନ ।
ମନେ ପଡୁଛି ଅତିତର
ସମସ୍ତ ସ୍ବର୍ଣ୍ଣାଭ କାହାଣୀ
ଆମ ଦୁହିଁଙ୍କର କଳିଝଗଡା
ଓ ପର ମୂହୁର୍ତ୍ତର ମିଶାଣି ।
କାହାର ଭାଗ ହେଲା ଅଧିକ
କାହାର ପଡିଲା କମ୍
ଏହାର ସମାଧାନ କରୁ କରୁ
ମା' ହୋଇ ଥାଏ ନାକେଦମ ।
ରାକ୍ଷୀ ପୂର୍ଣ୍ଣିମାର ଅପେକ୍ଷାରେ
ଜଗି ବସିଥାଏ ଭଉଣୀ
ଭାଇ ହାତେ ରାକ୍ଷୀ ବାନ୍ଧି
ଅପେକ୍ଷିତ ଉପହାର ପାଇବା ଚାହାଣୀ ।
ଏହି ଉପହାର ହୋଇ ଥାଏ
ତା' ପାଇଁ ଅତି ଅମୂଲ୍ୟ
ମନେ ଦିଏ ଏହା ଆନନ୍ଦ
ପବିତ୍ର ବନ୍ଧନର ଭେଟି ଅତୂଲ୍ୟ ।
ଭରିରହୁ ଆମ ମଧ୍ୟରେ
ଏହି ସ୍ନେହ, ଆଦର ଓ ସଦିଚ୍ଛା
ରାକ୍ଷୀ ପୂର୍ଣ୍ଣିମାରେ ମୋ ଭାଇକୁ
ଅନେକ ଶୁଭକାମନା ଓ ଶୁଭେଚ୍ଛା ।