ତମେ ଆଉ ମୁଁ
ତମେ ଆଉ ମୁଁ
ଚାଲ ତମେ ଆଉ ମୁଁ ଏକାଠି ବୁଲିବା
ଚନ୍ଦ୍ରମା ଦେଖିବା ଚାନ୍ଦିନି ରାତିର ମଜା ନେବା
ତମେ ଆଉ ମୁଁ ମିଶି ଦୁଃଖ ସୁଖ ବାଣ୍ଟିବା
ସାଥି ହୋଇ ରହିବା ସବୁ କିଛି ଭୁଲି ଯିବା
ତମେ ଆଉ ମୁଁ ମିଶି ସ୍ୱପ୍ନଟିଏ ଦେଖିବା
ସେ ସ୍ୱପ୍ନରେ ହଜିଯିବା ପୁଣି ନିଜକୁ ଖୋଜିବା
ଚାଲ ତମେ ଆଉ ମୁଁ ମିଶି କାହାଣୀଟେ ଲେଖିବା
ମୁଁ ରାଜା ତମେ ରାଣୀ ହେବ ରାଜ୍ୟଟିଏ ଗଢିବା
ଜୀବନର ଏଇ ଯାତ୍ରାରେ ତମେ ଆଉ ମୁଁ ମିଶି ବାଟ ଚାଲିବା
ପହଞ୍ଚିବା ଦିନେ ଲକ୍ଷ୍ୟ ସ୍ଥଳ ରେ ସେଠି ତମେ ଥିବ ଆଉ ମୁଁ ଥିବି
ଚାଲ ତମେ ଆଉ ମୁଁ ସାଥି ହୋଇ ସାଗର କୂଳକୁ ଯିବା
ମୁକ୍ତା ଖୋଜିବା ସମୁଦ୍ରର ଢେଉକୁ ଦେଖି ବାଲି ଘର ତୋଳିବା
ଚାଲ ତମେ ଆଉ ମୁଁ ମିଶି ମନର ଅନ୍ଧକାର ଦୂରେଇ ଦେବା
ଜାଗ୍ରତ କରିବା ଜ୍ଞାନର ସୁରୁଜକୁ
ନିଜକୁ ଆଲୋକିତ କରିବା