ତା ସ୍ମୁତି ହୃଦୟରୁ ଲିଭେ ନାହିଁ
ତା ସ୍ମୁତି ହୃଦୟରୁ ଲିଭେ ନାହିଁ
ତା ସହ ଭେଟିବାକୁ ଇଚ୍ଛା ଅଛି ବହୁତ କିନ୍ତୁ,
ଭେଟିବାର ସେଇ ଋତୁ ଏବେ ଆଉ ଆସୁନାହିଁ।
କରେ ଯେତେବି ଚେଷ୍ଟା ହୃଦୟ କୁ ବୁଝେଇବାକୁ କିନ୍ତୁ,
ତା ସ୍ମୁତି ସବୁ ଏ ହୃଦୟରୁ ସହଜରେ ଲିଭୁ ନାହିଁ।
ପ୍ରେମର ରାସ୍ତାରେ ସେ ମୋତେ ନେଇଯାଇଥିଲା....
ମୋ ହାତ ଧରି ସେଇ ଗଳିରେ...
ମୁଁ ବି ଚାଲିଲି ସେଇ ରାସ୍ତାରେ କିନ୍ତୁ,
ଏବେ ମୋ ପଛରେ ସେ ତ ଆଉ ଆସୁନାହିଁ
କରେ ଯେତେବି ଚେଷ୍ଟା ହୃଦୟକୁ ବୁଝେଇବାକୁ କିନ୍ତୁ,
ତା ସ୍ମୁତି ସବୁ ଏ ହୃଦୟରୁ ସହଜରେ ଲିଭୁ ନାହିଁ।
ସାଥୀ ହୋଇ ଚାଲିବା ସବୁଦିନ ସେ ହିଁ କହିଥିଲା,
ସାଥୀ ହୋଇ ଜିଇଁବା-ମରିବାର ପ୍ରତିଜ୍ଞା ସେ ହିଁ କରିଥିଲା।
ପଥିକ ଭଳି ଚାହିଁ ରହିଛି ତା ଆସିବା ବାଟକୁ କିନ୍ତୁ,
ସେ ତ ଏବେ ଆଉ ଏଇ ରାସ୍ତାରେ ଆସୁ ହିଁ ନାହିଁ
କରେ ଯେତେବି ଚେଷ୍ଟା ହୃଦୟକୁ ବୁଝେଇବାକୁ କିନ୍ତୁ,
ତା ସ୍ମୁତି ସବୁ ଏ ହୃଦୟରୁ ସହଜରେ ଲିଭୁ ନାହିଁ।
କଣ ହେଇଥିଲା ଭୁଲ ମୋତେ ବୁଝାଅ ତ,
ଏ ବିଚ୍ଛେଦର କାରଣ କଣ ବୁଝାଅ ତ,
ମୁଁ ପଚାରି ଚାଲିଲି ତାକୁ କିନ୍ତୁ,
ସେ କେବେ ବି କିଛି ହେଲେ କହିଲା ନାହିଁ।
କରେ ଯେତେ ବି ଚେଷ୍ଟା ହୃଦୟକୁ ବୁଝେଇବାକୁ କିନ୍ତୁ,
ତା ସ୍ମୁତି ସବୁ ଏ ହୃଦୟରୁ ସହଜରେ ଲିଭୁ ହିଁ ନାହିଁ।