ସୁନାବେଶ
ସୁନାବେଶ
ସୁବର୍ଣ୍ଣ ବେଶେ ମନୋଜ୍ଞ ମନୋହର
ଦିଶୁଛନ୍ତି ଆମ ମଣିମା,
ପରିପାର୍ଶ୍ୱରେ ଆଚ୍ଛନ୍ନ କରୁଛନ୍ତି
ଅଲୌକିକ ଅପୂର୍ବ ଅରୁଣିମା,
ଅତ୍ୟନ୍ତ ଆକର୍ଷଣକାରୀ
ଏହି ଅବର୍ଣ୍ଣନୀୟ କାନ୍ତିପ୍ରଦ ସୁନ୍ଦରିମା,
ଶ୍ରୀକାନ୍ତଙ୍କ ଔଜ୍ଜଲ୍ୟରୁ ଇହଲୋକବାସୀ
ଭୁଲି ଯାଆନ୍ତି ପୂର୍ଣ୍ଣିମା,
ଏ ଅନଙ୍ଗ ଅଭିଭୂତ ଅବିଭକ୍ତ ହୁଏ
ଦେଖି ମହାବାହୁଙ୍କ ମହିମା ।
ସ୍ୱର୍ଣ୍ଣାଭରଣ ଧାରଣ ଦ୍ୱାରା ରମଣୀୟ
ଦିଶୁଛନ୍ତି ଶ୍ରୀମନ୍ତ ଶ୍ରୀରମଣ,
ଚକାନୟନ କଳାକାଞ୍ଚନ ପ୍ରସାରିତ କରିଲେ
ତରୁଣ ଅରୁଣ କିରଣ,
କମନୀୟ ଶୋଭନୀୟ ଲାଗୁଛନ୍ତି
ଶ୍ରୀନାଥଙ୍କ ଶୁଭଙ୍କର ଶ୍ରୀଚରଣ,
ଅନବରତ ଚାହୁଁଛୁ ସୁନାବେଶର
ଧାରାବର୍ଷଣ ସମ ଧାରାବିବରଣ,
ନତମସ୍ତକ ହୋଇ ଯାଚନା କରୁଛୁ
ଶ୍ରୀକରଙ୍କ ଶ୍ରୀପୟରରେ ଶରଣ ।