ସୁନା ଠାକୁର ମୋର
ସୁନା ଠାକୁର ମୋର
1 min
163
କିଏ ସେ ହେବ କାଳିଆ ପରି
ସୁନା ଠାକୁର ମୋର
ଦେଖିଲେ ଡୋଳେ ଚକା ନୟନ
ଦୁଃଖ ହୁଅଇ ଦୂର ।
ଦେଉଳ ତାର ଶିରୀ ମନ୍ଦିର
ପୁରୁଷୋତ୍ତମ ଧାମ
ନନ୍ଦିଘୋଷରେ ବାମନ ସିଏ
ରାଧିକା ପ୍ରାଣଧନ
ପୁକାରେ ଭକ୍ତ ବଡଦାଣ୍ଡରେ
ଶୁଭେ ତା ଜୟକାର ।
ପବିତ୍ର ତାର ମହାପ୍ରସାଦ
କୈବଲ୍ୟ ଟଙ୍କପାଣି
ଧନ୍ୟ ହୁଅଇ ଭକ୍ତ ଜୀବନ
ତୁଣ୍ଡ ତା ନାମ ଗୁଣି
ମିଳଇ ଶାନ୍ତି ମୁକତି ଗତି
ଦେଖିଲେ ନୀଳଚକ୍ର ।
ସିଏ ତ ଧନ ଜୀବନ ମୋର
ଆତ୍ମୀୟ ସହୋଦର
ତା ପାଦପଦ୍ମେ ସକଳ ତୀର୍ଥ
ବୈକୁଣ୍ଠ ଚଉବର୍ଗ
ସୁଲଭୁ ଜୀବ ଆଶିଷ ଶୁଭ
ଫିଟୁ ସରଗ ଦ୍ୱାର ।