ସତ୍ୟ ହିଁ ଧର୍ମ

ସତ୍ୟ ହିଁ ଈଶ୍ୱର ପରମ ସାଧନ

ଧର୍ମ ସତ୍ୟ ନାରାୟଣ 

ବିବେକ ପ୍ରଯୁକ୍ତ ସତ୍ୟ ପ୍ରବଚନ

ସର୍ବାର୍ଥ ହିତ କଲ୍ୟାଣ ।

ଦୟା ପବିତ୍ରତା ଅହିଂସା ତିତିକ୍ଷା

ତପଶ୍ଚର୍ଯ୍ୟା ବ୍ରହ୍ମଚର୍ଯ୍ୟ

ତ୍ୟାଗ ସମଦୃଷ୍ଟି ମୌନ ସୁଚିନ୍ତନ

କରେ ମନୁଷ୍ୟକୁ ପୂଜ୍ୟ ।

ସଦଗ୍ରନ୍ଥ ପଠନ ମନନ ସ୍ବାଧ୍ଯାୟ

ଆର୍ଜବ ସରଳ ଗୁଣ

ରଖ ସୁବିଶ୍ୱାସ ମନରେ ସନ୍ତୋଷ

ବନ୍ଧୁତା ମୈତ୍ରୀ ସଦ୍ଭାବ ।

ଜନମ ପୂର୍ବରୁ ମରଣର ପରେ

ନୁହଁନ୍ତି କେହି କାହାର

ପରମାତ୍ମାଙ୍କର ଅଂଶ ହିଁ କେବଳ

ଆତ୍ମା ହିଁ ଅବିନଶ୍ୱର ।

କର କୃଷ୍ଣ ନାମ ଭଜନ ଶ୍ରବଣ

ସେବାପୂଜା ସଙ୍କୀର୍ତ୍ତନ 

ସର୍ବଧର୍ମ ସଂସ୍କାର ସୁକର୍ତ୍ତବ୍ୟ ଧ୍ୟାନ 

ରଖ ନିଷ୍ଠା ସମର୍ପଣ ।

ଜୀବନର ଲକ୍ଷ୍ୟ ଆରମ୍ଭ ଓ ଶେଷ

ସୁମଙ୍ଗଳ ଶୁଭପ୍ରଦ 

ଉତ୍କର୍ଷୁ ଭବ୍ୟତା ସୁଲଭୁ ଦିବ୍ୟତା

ସୁନ୍ଦର ପରମାନନ୍ଦ ।

 -----