ସ୍ତ୍ରୀ ହେବାର କାହାଣୀ ଏହି ତ
ସ୍ତ୍ରୀ ହେବାର କାହାଣୀ ଏହି ତ
ଯେବେ ସ୍ତ୍ରୀ ଜାତିରେ ମୁଁ ଜନମ ହେଲି,
ଦୁହିତା ହୋଇ କୂଳର ହିତ ପାଇଁ,
ବାପ ର ମହତ ରଖିବା ପାଇଁ ,
ନିଜ ଇପ୍ସିତ ଇଚ୍ଛା କୁ ମୁଁ ଛାଡ଼ି ଦେଲି I
ଭାଇ ସୁଖରେ ସଂସାର ଗଢ଼ିବ,
କୋଠା କରିବ,ଗାଡ଼ି ଚଢ଼ିବ,
ତା ସପନ କୁ ସାକାର କରିବା ପାଇଁ,
ତା ପ୍ରତି ଥିବା ଅନ୍ଧ ଭାତୃ ପ୍ରେମ ପାଇଁ,
ବାପ ଘର ଅଧିକାର କୁ ମୁଁ ଛାଡ଼ି ଦେଲି,
ମୋ ସମ୍ପତ୍ତି କୁ ନ ଆଣି ଗରିବ ହେଲି I
ଯେବେ ବିବାହ କରି ପତି ଘରକୁ ମୁଁ ଆସି ରହିଲି,
ବାପା ମାଆ ର ସ୍ନେହ ତ୍ୟାଗ କୁ ମୁଁ ଯେ ଛାଡ଼ିଦେଲି
ପତିର ସୁଖ ପାଇଁ ନିଜକୁ ନିଜେ ମାରି ଦେଇ,
ତା ରଙ୍ଗରେ ରଙ୍ଗେଇ ହୋଇ ନିଜ ରଙ୍ଗ ମୁଁ ଛାଡ଼ି ଦେଲି I
ଯେବେ ମୁଁ ଏକ ମାଆ ହୋଇଗଲି,
ନିଜ ସନ୍ତାନ ପାଇଁ ନିଜ ସୁଖ ଛାଡ଼ି ଦେଲି,
ତା ଲାଳନପାଳନ ରେ ଏତେ ବ୍ୟସ୍ତ ରହିଲି ,
ନିଜର ଅସ୍ତିତ୍ଵ କୁ ମୁଁ କୁଆଡ଼େ ହଜେଇ ଦେଲି I
ଯେବେ ମୁଁ ସୁନ୍ଦରତା ସହ ବାହାର କୁ ବାହାରିଲି,
ଅଶ୍ଳୀଳତା ଇଙ୍ଗିତ ର ଶିକାର ହେଲି,
ସେ ବାଜେ ବଜାରିଆ ବ୍ୟକ୍ତିତ୍ୱ ପାଇଁ,
ମୋ ଯିବା ଆସିବା ରାସ୍ତା କୁ ମୁଁ ଛାଡ଼ି ଦେଲି I
ଯେବେ ସବୁକୁ ଛାଡ଼ି ଆଗକୁ ବଢିବାକୁ ଚେଷ୍ଟା କରିଲି ,
ତେବେ ସ୍ଵାର୍ଥୀ,ସ୍ୱେଚ୍ଛାଚାରୀ, ଉଦଣ୍ଡି ନାମ ପାଇଲି,
ଯେବେ ସମସ୍ତଙ୍କ ପାଇଁ ମୋର ସବୁ ଛାଡ଼ି ଦେଲି,
ତେବେ ତ୍ୟାଗର ଦେବୀ ହୋଇ , ନିର୍ଜୀବ ମୂର୍ତ୍ତୀ ହୋଇ ଗଲି,
ହେଲେ ଯେବେ ସବୁ ଛାଡ଼ି ନିସ୍ଵ ହୋଇ ,
ସମସ୍ତଙ୍କ ପାଖରେ ହାତ ପତେଇଲି,
ତେବେ ଅଲକ୍ଷଣୀ ହୋଇ ତିରସ୍କାର, ଲାଞ୍ଛନା ପାଇଲି I
ସ୍ତ୍ରୀ ହୋଇ ଜନ୍ମ ହେବାର ଏହି ତ ଗୌରବ ପାଇଲି,
ଅନ୍ୟ ପାଇଁ ନିଜର ସବୁ ଛାଡ଼ି କେବଳ ସଂସ୍କାରିତ ନାମ ବହିଲି,
ସଂସ୍କାରିତ ସଂସ୍କାର ର ତଳେ ନିଜକୁ ଚାପିଦେଲା ପରେ,
ସମସ୍ତ ଙ୍କ ଠାରୁ ଏକ ଅନମୋଲ ପୁରସ୍କାର ପାଇଲି
ସେ ପୁରସ୍କାରରେ ଲୁଚିଥିବା ତିରସ୍କାର ର ଅବ୍ୟକ୍ତ କୋହରେ,
ଶେଷରେ ସମସ୍ତ ସ୍ୱାର୍ଥ ଗଣଙ୍କ ପାଇଁ ଏ ଜୀବନ ମୁଁ ଛାଡ଼ି ଦେଲି I
ଜନ୍ମ ରୁ ମରଣ ପର୍ଯ୍ଯନ୍ତ ସ୍ତ୍ରୀ ଜାତିରେ ଜନ୍ମ ହେବାର କାହାଣୀ ଏହି ତ,
ସମସ୍ତଙ୍କ ପାଇଁ ସବୁ ଛାଡ଼ି ଦେଇ ନିଜେ ନିସ୍ଵ ହେବାର କାହାଣୀ ଏହି ତ !
ଏ ସ୍ୱାର୍ଥବାଦୀ ସ୍ଵାର୍ଥ ବନ୍ଧନ ର ସ୍ୱାର୍ଥ ପାଇଁ,
ମୋର ଅଭିଶପ୍ତ ସ୍ତ୍ରୀ ହେବାର ମୂଲ୍ୟ ଦେଇ,
ସମସ୍ତଙ୍କ ପାଇଁ ମୋର ସବୁକିଛି ଛାଡ଼ି ଦେଇ,
ଏ ସ୍ୱାର୍ଥୀ ଦୁନିଆ କୁ ଦିନେ ପଛରେ ପକାଇ,
ଇହଧାମ ଛାଡ଼ି ବହୁ ଆଗକୁ ମୁଁ,
ନିସ୍ୱାର୍ଥ ଭାବରେ ଚାଲିଗଲି,ଚାଲିଗଲି ,
ନିଜର ପରମ ସ୍ୱାର୍ଥ ଭାଗବତ ପ୍ରାପ୍ତି ପାଇଁ,
ସ୍ୱାର୍ଥବାଦୀ ବନ୍ଧନ ର ବନ୍ଧନ କୁ ଛାଡ଼ି ଦେଲି, ଛାଡ଼ି ଦେଲି I