ସତ ଓ ମିଛ

 ‌ 

ଲୁଚନ୍ତି ନାହିଁ କି ଲୁଚିବେ ବି ନାହିଁ

ମିଛ ସତ ଦୁଇ ଭାଇ,

ମିଛ ଲୁଚି ଗଲେ ସତ ଖୋଜୁଥାଏ

ଦିନେ ମିଳିଥାଏ ସେହି ।

ଆଜି କାଲି ଲୋକ ନିଜ ସ୍ଵାର୍ଥ ଲାଗି

ମିଛକୁ କୁହନ୍ତି ସତ,

ମିଛ କଥା ଶେଷେ ଧରା ପଡ଼ିଯାଏ

‌ହେଉଥାନ୍ତି ହନ୍ତସନ୍ତ ।

ଆଗେ ଗୋଟେ କଥା ପଛରେ ଅନ୍ଯଟା

ଯେଉଁ ଜନ କରୁଥାଇ,

ସେହି ଜନ ଅଟେ ମହାନ ମିଛୁଆ

ସଦା ମିଛ କହୁଥାଇ ।

ଅନ୍ୟ ପାଇଁ ଯିଏ ଗାତ ଖୋଳୁଥାଏ

ସେ ଗାତରେ ପଡେ ସେହି,

ଅନ୍ୟ ମାନଙ୍କର ମନ୍ଦ ଚିନ୍ତା କରି

ହରକତ ହୁଅ ନାହିଁ ।

ବାଲ୍ୟ କାଳୁ ପିଲେ ସାବଧାନ ହୁଅ

କେହି କହିବନି ମିଛ,

ସମାଜେ ନିଜର  ଶିର ଉଚ୍ଚା ରଖ 

ଅନ୍ୟ ସବୁ କରି ତୁଚ୍ଛ ।