ସର୍ବେ ହେବେ ସତ୍ୟାନାଶ
ସର୍ବେ ହେବେ ସତ୍ୟାନାଶ
1 min
1.4K
ଏକ କେ ଏକ
ସବୁ ସ୍କୁଲରେ କଣ ଚାଲିଛି
ଆଖି ପୁରେଇକି ଦେଖ ॥
ଏକ ଦୁଗୁଣେ ଦୁଇ
ଉଜ୍ୱଳ,ଉତ୍ଥାନ କାମରେ ଶିକ୍ଷକ
ଝାଳନାଳ ଗଲା ହୋଇ ॥
ଏକ ତିରିକି ତିନି
ଭଲପିଲା ଏବେ ଶ୍ରେଣୀକକ୍ଷରେ
ବସି ବଜେଇଲେ ଗିନି ॥
ଏକ ଚଉକୁ ଚାରି
"ସାଥ"ଟିମ୍ କଥା ଚିନ୍ତାକଲେ
ମୁଣ୍ଡ ହେଉଅଛି ଭାରି ॥
ଏକ ପଞ୍ଚା ପାଞ୍ଚ
ଯୋଜନା ଉପରେ ଯୋଜନା ତିଆରି
ଚାଲିଛି ଇଏ କି ନାଚ ॥
ଏକ ଷୋକ ଛଅ
ଦେଖି ଶିକ୍ଷାନୀତି ସ୍କୁଲର ସ୍ଥିତି
ଆଖିରୁ ଝରୁଛି ଲୁହ ॥
ଏକ ସତାଁ ସାତ
ଉଜ୍ୱଳ ହେଉକି ଅନ୍ଧାର ହେଉ
ମିଳୁଥାଉ ଅଣ୍ଡାଭାତ ॥
ଏକ ଅଷ୍ଟାଁ ଆଠ
ଅଫିସରଙ୍କର "ଆପ୍"ଖେଳରେ
ସଭିଏଁ ହେଲେଣି କାଠ ॥
ଏକ ନୁଆଁ ନଅ
କାଗଜ କଲମ ଚାଷରେଚାଷରେ
ଚାଲିଥାଉ ବିଦ୍ୟାଳୟ ॥
ଏକ ଦଶାଁ ଦଶ
ବହିପାଠ ଛାଡି ଚାଳିଶିଦିନରେ
ସର୍ବେ ହେବେ ସତ୍ୟାନାଶ ॥
ଶରତ ଚନ୍ଦ୍ର ଜାଲି
ତା;୬/୭/୧୮