ସର୍ବ ମଙ୍ଗଳ ଜଗନ୍ନାଥ

ସର୍ବ ମଙ୍ଗଳ ଜଗନ୍ନାଥ l

ସୃଷ୍ଟି ତୁ କରୁ ଆତଯାତ ll

ମଙ୍ଗଳ ନିର୍ଗୁଣ ମୁରାରୀ l

ଲୀଳା ତୋ ତ୍ରିଗୁଣ ବିସ୍ତାରି ll

ସକଳ ଘଟେ ବସୁ ତୁହି l

ଅଜ୍ଞାନ ମୁହିଁ ନ ଜାଣଇ ll

ତୋହର ନାହିଁ ଆଦି ଅନ୍ତ l

ନମସ୍ତେ ହେ ଦେବ ଅନନ୍ତ ll

ଧର୍ମ ରକ୍ଷଣେ ଦେବ ହରି l

ଧରାରେ ଆସୁ ଅବତରି ll

ଇଚ୍ଛା ବିହାରୀ ଇଚ୍ଛାମୟ l

ଅଚ୍ୟୁତ ଅବ୍ୟକ୍ତ ଅକ୍ଷୟ ll

ଲୀଳା ବିଧୃତ କଳେବର l

ହେ ପ୍ରଭୁ ବ୍ରହ୍ମାଣ୍ଡ ଠାକୁର ll

ଅଶେଷ ମହିମା ତୋହର l

କାହୁଁ ଜାଣିବି ନର ଛାର ll

କୃପା କର ହେ ନାରାୟଣ l

ଭଜେ ତୋ ପଙ୍କଜ ଚରଣ ll