Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Jyochhna rani Devi

Inspirational

4  

Jyochhna rani Devi

Inspirational

ସ୍ପନ୍ଦନ

ସ୍ପନ୍ଦନ

1 min
220



ମାଆ ତୁ ଯେ ମୋର ପୁନେଇ ଜହ୍ନର

ସ୍ନିଗ୍ଧ ଶୀତଳ ଛାୟା

ତୁହି ମୋ ପରାଣ ରୁଧିରର ଧାର

ଅସ୍ଥିମଜ୍ଜାର କାୟା ।

ଶତ ସଉଧର ଶିଖର ପରା ଗୋ

ସ୍ଵପ୍ନର ଅଭିଳାଷ

ସ୍ପନ୍ଦନରେ ମୋର ଅମ୍ଳାନ ସ୍ଵାକ୍ଷର

ତନ୍ତ୍ରୀରେ ଇତିହାସ ।

ବିଭୋର ତନୁ ମୋ ନିଶି ଦିବସରେ

ତୋ ଉଷ୍ମ ଆଶ୍ଳେଷ ପାଇ

ପ୍ରଶାନ୍ତିରେ ଭରି ଜୀବନବିନ୍ଦୁ ମୋ 

ନିଘୋଡେ ପଡୁଛି ଶୋଇ ।

ପଣତ ଛାଇ ତୋ ଶ୍ରୀମନ୍ଦିର ନେତ

ଶତ ସୁଦର୍ଶନ ଢାଲ

ମୋ ମଥାରେ ଥିଲେ ଛୁଇଁପାରିବନି 

ବଇରୀର କରବାଳ ।

ମୋ ପେଟ କ୍ଷୁଧାର ଅମୃତ ମଣୋହି

ତୋହରି ଶାଗ ପଖାଳ

ରାଜନ ବ୍ୟଞ୍ଜନ ତୁଚ୍ଛ ଅଟେ ସିନା

କିଏ ହେବ ତାର ତୁଲ ।

ତୋ କୋଳ ଝୁଲଣା ଫୁଲର ବିଛଣା

ଅମରାବତୀର ସୁଖ

ଦେଉଥାଏ ମୋତେ,ନାନାବାୟା ଗୀତ

ହରିନିଏ ଯେତେ ଦୁଃଖ ।

କଣ୍ଟକପୀଡା ମୋ ଶୁଳି ତୋ ପାଇଁ

ଶତସିଂହର ବଳ

ଧରି ଲଢିଥାଉ, ସହସ୍ର ବିପତ୍ତି

ଝରିପଡେ ହୋଇ ଫୁଲ ।

ଭଗ୍ନ ପ୍ରାଚୀର ଧ୍ଵଂସାବଶେଷ

ହୋଇରହି ମୁଖଶାଳା

ତିଆରି ଚାଲିଛୁ ପ୍ରଶସ୍ତ ବୁକୁରେ

ମୋତି ଖଚିତ ମାଳା ।

କିଏ ସେ ମାପିଛି ସିନ୍ଧୁ ଗଭୀରତା

ଆକାଶର ବିଶାଳତା

କିଏ ସେ ଦେଖିଛି ଯଜ୍ଞବେଦୀ ତଳେ 

ଅଙ୍ଗାରର କଳାଛିଟା ।

ତୁହି ତ ଜନନୀ ଜନମେ ଜନମେ

ଆଶିଷର ଧାର ଦେଇ

ରଖିଥିବୁ ଏଇ ଅଧମ ସନ୍ତାନ

ଥିବ ମଥାନତ ହୋଇ ।




Rate this content
Log in