ସପନ ରାଣୀ

ପୀରତି ବଜାରେ ଦେଖା ହେଲା ଦିନେ

     ସପନ ଚୋରଣି ମୋର

ପ୍ରେମ ମନ୍ଦାକିନୀ ବହି ଯାଉଥିଲା

     ମନକୁ କରି ଅସ୍ଥିର 

 ପୀରତି କଦମ୍ବ ଫୁଟି ବାସଦେଲା

ଲାଜ ଲାଜ ଓଠେ କେତେ କଥା ହେଲା

     ଟାଣି ଦେଇ ତା ଓଢ଼ଣୀ ।

ସିଏ ମୋ ମନର ନନ୍ଦନ ବନର 

   ସଜ ଫୁଟା ପାରିଜାତ

ଯେତେ ଦୂରେ ଥିଲେ ମୋ ମନର ବୀଣା

    ଗାଏ ତା ପ୍ରେମ ସଙ୍ଗୀତ

ରୂପ ରାଇଜର ରାଜ କୁମାରୀ ସେ

    ଫଗୁଣ ଦେଶର ରାଣୀ

    ଟାଣି ଦେଇ ତା ଓଢ଼ଣୀ ।

କହିଲି ଜାଣିଛି କେବେ ଫେରିବନି 

   ଆଉ ଏଇ ଜୀବନରେ

ଆଜି ବି ରହିଛି ତୁମ ପାଦ ଚିହ୍ନ

  ମୋ ମନ ବେଳା ଭୂମିରେ

କହିଲା ଗୋ ଧନ ହୁଅନା ବିମନ 

   ମୁଁ ପରା ସପନ ରାଣୀ

   ଟାଣି ଦେଇ ତା ଓଢ଼ଣୀ ।