ସନ୍ତାନ
ସନ୍ତାନ
1 min
166
ମାଆ ଆଶୀଷରେ ଥାଏ ସମ ଭାବ
ସଭି ସନ୍ତାନ ମଥାରେ
କିଏ କେଉଁ ଭଳି ଗ୍ରହଣ କରେ
ନିର୍ଭର ତାହା ଉପରେ ।।
ସଭିଙ୍କୁ ସ୍ତନ୍ୟପାନ କରାଇ
ହାତ ଧରି ଚାଲି ଶିଖାଏ
କିଏ ତ'ର ମୂଲ୍ୟ ବୁଝେ
ଆଉ କିଏ ବୁଝି ନଥାଏ ।।
ଶୈଶବରେ ଶିକ୍ଷା ପ୍ରଶିକ୍ଷଣ ଦିଏ
ସଭିଙ୍କୁ ଏକ ପ୍ରକାର
କିଏ ଏହା ଗ୍ରହଣ ନକରେ
କିଏ ମୂଲ୍ୟ ରଖେ ଏହାର ।।
ପାଠପଢି ସେ ତ ପ୍ରତିଷ୍ଠିତ ହୁଏ
ଏକ ଉଚ୍ଚ ପଦବିରେ
କିଏ ପୁଣି ଜୀବନ କାଟେ
ଦୈନନ୍ଦିନ ମଜୁରୀରେ ।।
ହଉ ସିଏ ବଡ ଅଫିସର ଅବା
ଚପରାସି କାର୍ଯ୍ୟେ ରତ
ସନ୍ତାନଙ୍କ ସର୍ବଦା ମଙ୍ଗଳ ନିମନ୍ତେ
ମନାସେ ପୂଜାବ୍ରତ ।।