ସଂପର୍କ

ଶଶାଙ୍କ ଶେଖର ରାୟ

ଦୁନିଆଁର ରଙ୍ଗମଞ୍ଚେ

ଚରିତ୍ର ମୁଁ ଜୀବନ ନାଟକର

ଅଭିନୟ କରେ ଛାଇ ଆଲୋକେ

ଯୋଡି ନୂଆନୂଆ ସଂପର୍କ ।

କେତେବେଳେ ହସେ ପୁଣି କାନ୍ଦେ

ଗୁମସୁମ୍ ନିରବେ ଝୁରିହୁଏ

କାହିଁକି କେଜାଣି କାହାକୁ

ସଭିଏଁ ଲାଗନ୍ତି ମୋର ଅତି ଆପଣାର ।

ଏକା ଏକା ବଞ୍ଚିବାଟା ଏଠି

ମୋ ପାଇଁ ମିଛ ଆଉ ଛଳନା

ରାଗ ଅଭିମାନ ବିଷାଦର ଢେଉ

ଭାଙ୍ଗିଦିଏ କେବେ ସଂପର୍କର ବାଲିଘର ।

ତଥାପି ଅତୀତର ସ୍ମୃତିକୁ ନେଇ

ବଞ୍ଚିହୁଏ କିଛିକ୍ଷଣ

ପାଇବା ହଜେଇବା ଖୋଜିବାର ନିଶାରେ

ବିଭୋର ହେଉଥାଏ ମୋ ଜୀବନ ।

ଗର୍ବ ଅହଂକାର ବଡିମା ସବୁ

ସ୍ଵାର୍ଥମେଧ ଯଜ୍ଞେ ଦେଇ ଆହୁତି

କହି ସଦା ଅମୃତ ବଚନ

ବାନ୍ଧୁଥିବା ସଂପର୍କର ବନ୍ଧନ ।

କେହି ରହିନାହିଁ ଏଠି ଚିରଦିନ

ସମୟ ବେଳାଭୂମିରେ ସମସ୍ତେ

ଛାଡିଚାଲିଯାନ୍ତି କେବଳ

ସଂପର୍କର ପାଦଚିହ୍ନ ।

ମୋ - ୭୩୭୭୧୯୭୯୯୯

ବଟରପଡା ରାଜକନିକା କେନ୍ଦ୍ରାପଡା