ସଂନ୍ଧ୍ୟା ଦର୍ଶନ

ରଥକୁ ଆସହେ ଗୋସାଇଁ ଦେବି ଭକତିରସ

ରଖିଛି ଅତିଯତନରେ ତୁମ୍ଭପାଇଁ ଏ ଦାସ ॥

ରଂଗଅଧରରେ ଦେଖିଲେ ନାଲିହସରୁ ଟିକେ

ରହିବନାହିଁ ମୋଯାତନା ଯିବି ଅମର ଲୋକେ ॥

ରୁପରେ ଦିଶୁଛ ବାମନ ମନ ନେଉଛି ଟାଣି

ରୁଧ ମୋ ହୋଇଲା ନିଶ୍ୱାସ

ଆହେ ମୁରଲୀପାଣି ॥

ରବିଠାରୁ ଜିଣି ଜ୍ୟୋତିହେ ତବ ମୁଖମଣ୍ଡଳେ

ରୂପାସୁନା ହୀରାମୋତିରେ ଚାରୁ ଚନ୍ଦ୍ରମା ଢାଳେ ॥

ଋଣି ମୁଁ ତୁମ୍ଭର ଚରଣେ ସବୁ ଜନମେ ହରି

ରଖବା ନରଖ ବସିଛି ତତେ ଭରସା କରି ॥

ରସହୀନ ହୁଏ ହୃଦୟ ତୁମ୍ଭ କରୁଣା ବିନା

ରସିକ ଭକତମେଳରେ ମୋର କାଳିଆସୁନା ॥

ରହିରହି ଯିବ ମାଉସୀଘର ଜନମପୀଠେ

ରମ୍ଭାଫଳ ଆଉ ଶ୍ରୀଫଳ ମାଉସୀ ଦେବ କେତେ ?

ରଖିବ ନଅଦିନ ମାଉସୀ କାନିପଣତ ତଳେ

ରୁଣ୍ଡ ହୋଇ ଦେବତାବୃନ୍ଦ ନାଚିବେ ଭାବବୋଳେ ॥

ରଂଗାଚରଣହେ ନବମୀସଂନ୍ଧ୍ୟା ଦର୍ଶନ ଦେବ

ରୌରବ ନର୍କରୁ ଶରତ ତେବେ ଉଦ୍ଧାର ହେବ ॥

ଶରତ ଚନ୍ଦ୍ର ଜାଲି

ତା:୧୫/୭/୧୮