ସନେଟ୍...ଚଳନ୍ତା ଦିଅଁ
ସନେଟ୍...ଚଳନ୍ତା ଦିଅଁ
କି କହିବି ତୋର କଥା ମୁଁ କାଳିଆ
ଭକତ ତୋର ପରାଣ…
ନାରକୀୟ ଲୀଳା ଭୁବନେ ରଚୁଛୁ
ନର ଦେହେ ନାରାୟଣ…!!
ଦାରୁଦିଅଁ ବୋଲି ଜଗତ କୁହଇ
ଡ଼ାକଇ ବିକଳେ ତୋତେ…
କାଠ ହୋଇଥିଲେ ମନକଥା ବୁଝି
ପାରି ଥାଆନ୍ତୁ କି ସତେ…!!
ଜରରେ କମ୍ପୁଛୁ ବୁଲି ବାହାରୁଛୁ
ଖାଉଛୁ ପୁଣି ଶୋଉଛୁ…
ଘରୋଇ କଳହ ବଳେ ପୁଣି ଜଗା
ପତ୍ନୀ ଗାଳି ତୁ ସହୁଛୁ…!!
ତଥାପି ଯଦି ମୁଁ କହିବି କାଳିଆ ତୁ ଅଟୁ ଅଚଳ ମେରୁ…!!
ମିଥ୍ୟା ପ୍ରମାଣିତ କରି ମୋ କଥାକୁ ହସିଦେ ଜଗତ ଗୁରୁ…!!