ସ୍ନେହର ପସରା
ସ୍ନେହର ପସରା
କୁଆଡେ ଗଲା ସେ ସମୟ
ଆସୁଥିଲା ଯିଏ ମନକୁ ଆବୋରି
ଭାଇ ଭଉଣୀ ସ୍ନେହ ମମତାର
କେତେ ସ୍ମୃତି କେତେ ଅନୁଭୁତି ଧରି,
ଆଶ୍ଚର୍ଯ୍ୟ ଲାଗୁଛି ଆଜି
ହାରିଗଲା ପରି ଜୀବନର ବାଜି
ସମୟର ଛକାପଞ୍ଝା ମଧ୍ୟରେ
ସବୁ ନିବିଡ଼ତା ଠାରୁ ଦୂରେ ,
ପୃଥିବୀ ଯେଉଁଠି ଥିଲା
ଆଜି ବି ସେଇଠି ତ ଅଛି
ତେବେ କାହିଁ ସଂପର୍କର
ରୂପରେଖା ଏତେ ବଦଳୁଛି ?
ଆକଟର ଶିକୁଳିକୁ ଛିଡାଇ
ସଂପର୍କକୁ ତଳିତଳାନ୍ତ କରି ଦେବା ପାଇଁ !
ହଁ ହୁଏତ ହୋଇ ପାରେ
ଯେହେତୁ ଜୀବନ ମୃତ୍ୟୁର ଦୁଆରେ,
ତଥାପି ଭାଇ ଭଉଣୀର ଶାଶ୍ଵତ ସଂପର୍କ
ସବୁଦିନେ ସେହି ମହୁବୋଳା କାହାଣୀ
ଯାହାକୁ ନେଇ ଛାତିରେ ହଜାରେ ସ୍ପନ୍ଦନ
ରହିଥାଏ ଜଣକର ଆଉ ଜଣକ ପାଇଁ ......।