ସନ୍ଧି

ଯୁଦ୍ଧ ଓ ଧ୍ବଂସର ମଝିରେ

ସନ୍ଧିଟିଏ ଅନିର୍ବାଯ୍ୟ |

ଶାନ୍ତିର ପୁନଃ ସ୍ଥାପନ ପାଇଁ

ପୃଥିବୀର ରକ୍ଷା ପାଇଁ

ଜନତାର ଖୁସି ପାଇଁ |

ଉଭୟ ପଟର ଶାସକକୁ

ଶତ୍ରୁତା ଭୁଲି ଉଠେଇବାକୁ

ପଡେ ପଦକ୍ଷେପ କେବଳ

ଦେଶର ସୁରକ୍ଷା ପାଇଁ|

ଶାସକ ପାଇଁ ଦେଶ ନୁହେଁ

ଦେଶ ପାଇଁ ଶାସକ।

ସ୍ବାର୍ଥ ଧନ କ୍ଷମତା ଉପରେ ଦେଶ

ଦେଶର ସମ୍ମାନ ଇଜ୍ଜତ

ପ୍ରକୃତିର ସୁରକ୍ଷା

ଜନତାର ଖୁସି

ଏ ସବୁ ଦାୟିତ୍ବ ଶାସକର।

ସେ କେବଳ ସେବକଟେ ଦେଶ ପାଇଁ

ଦେଶ ମାତୃକାର ଏକ ସୁଯୋଗ୍ୟ ସନ୍ତାନ।

ଯେ ନିଜର ସୁଖ ଜୀବନକୁ କରେ

ଦେଶପାଇଁ ସମର୍ପଣ ପ୍ରତିକ୍ଷଣ।