ସମସ୍ୟା

ସମସ୍ୟାର ମନ୍ତ୍ର ଜପି ଜପି ତୁହି

ଗାଆଁକୁ ତୋହର ଛାଡିଲୁ

ସମସ୍ୟା ସମସ୍ୟା କହି କହି ତୁହି

ବାପା ମାଆ ଭୁଲିଗଲୁ ।

ସମସ୍ୟା ସମସ୍ୟା କହି କହି ପୁଣି

କେତେ ଯେ ସମ୍ପର୍କ ଭୁଲିଲୁ

ସମସ୍ୟା ସମସ୍ୟା କହି କହି ପୁଣି

ସାଥି ବଦଳାଇ ଦେଲୁ ।

ସମସ୍ୟାର ଭୂତ ମୁଣ୍ଡେ ଲଦି ହୋଇ

ଏଠି ସେଠି ଘୁରି ବୁଲୁଛୁ

ସମସ୍ୟାକୁ ତୁହି ନିତି ପ୍ରତି ଖାଲି

ଅନ୍ୟର ଉପରେ ଥୋପୁଛୁ ।

ସମସ୍ୟା ତୋହର ସମାଧାନ ତୋର

ଅନ୍ୟକୁ କାରଣ କରୁଛୁ

ନିଜେ ନ ବଦଳିଲେ କିଛି ଲାଭ ନାହିଁ

କିମ୍ପା ତୁ ବିବ୍ରତ ହେଉଛୁ ।

ନିଜେ ବଦଳିଲେ ରାସ୍ତା ଦେଖା ଯିବ

ସମାଧାନ ମିଳିଯିବ

ଅନ୍ତରାତ୍ମା ତୋର ସୁ-ନିର୍ଦ୍ଦେଶ ଦେବ

ଏ କଥା ନିଶ୍ଚୟ ହେଜ