ସମ୍ପର୍କର ନୂଆ ମୁହଁ
ସମ୍ପର୍କର ନୂଆ ମୁହଁ
ଯେବେ ଜାଣିଲି ମୁହିଁ
ହୋଇଛି ମୁଁ ଅନ୍ତଃସତ୍ତ୍ୱା
ମାତୃତ୍ଵ ଭାବନା ସଞ୍ଚାରିତ
ହୃଦୟେ ଅହେତୁକ ମମତା ।।
ମୋ ଗର୍ଭ କରୁଛି
ଏକ ନୂତନ ଜୀବନର ସର୍ଜନ
ଏହା ହିଁ ତ ଏହି
ବିଚିତ୍ର ସୃଷ୍ଟିର ନିୟମ ।।
ସମ୍ପର୍କର ଏକ ନୂଆ ମୁହଁ
ଯୋଡିଲା ଦାମ୍ପତ୍ୟ ଜୀବନେ
ମାତାପିତା ହେବାର ସୋଭାଗ୍ୟ ପ୍ରାପ୍ତି
ଉମଙ୍ଗ ଉତ୍ସାହ ଭରିଛି ମନେ ।।
ଶୟନେ ସପନେ ସର୍ବଦା
ଝଲସୁଛି ଏହି ସମ୍ପର୍କର ନୂଆ ମୁହଁ
ମନେ ଉଙ୍କି ମାରୁଛି
ଦେଖାଇବାକୁ ଆକାଶର ତାରା ଜହ୍ନ ।।
ଗୋଟି ଗୋଟି ଜିନିଷ
ସଜାଡୁଛି ତୋ ଆସିବା ନିମନ୍ତେ
କୋଳରେ ନେଇ ବୁଲାଇବାକୁ
ଖୁସିରେ ଅନାଇଛନ୍ତି ସମସ୍ତେ ।।
ତୋ କାନ୍ଦରେ ଦଉଡିବେ
ଘରର ସମସ୍ତ ସଦସ୍ୟ ଗଣ
ସମ୍ପର୍କର ନୂଆ ମୁହଁର
କରିବାକୁ ସବୁ ଇଚ୍ଛା ପୂରଣ ।।