ସିଏ କି ତୁମର ପ୍ରେମିକା
ସିଏ କି ତୁମର ପ୍ରେମିକା
ପ୍ରତିକ୍ରିୟା ଶିଳା ପ୍ରତି କଥାରେ ସେ
ତୁମକୁ ତ ରାଗୁଥାଏ ।
ଦିନେ ନଦେଖିଲେ ମୁହଁ ସେ ଫୁଲାଏ
ତେବେ ସେ ତୁମର କିଏ ।।
ତୁମ ମନ ପୁଣି କିଣି ନିଏ ସିଏ
ତାର ମିଠା ମିଠା କଥାରେ ।
ତାର ସ୍ୱର ଶୁଣି ହସ ଖେଳି ଯାଏ
କୁହ କାଇଁ ତୁମ ଓଠରେ ।।
ଦୁନିଆ ହାଟରେ ସ୍ବାର୍ଥର ଭିଡ଼ରେ
କାହିଁ ଲାଗେ ସିଏ ନିଜର ।
ତା ଅଳି ଅଝଟ ପିଲାଳୀୟାମିକୁ
କାହିଁ କର ତୁମେ ଆଦର ।।
କାହିଁ ମନେ ପଡେ ଅଧ ରାତିରେ ସେ
ତୁମ ନିଦ ଭାଙ୍ଗି ଗଲେ ।
କାହିଁକି ଭଲ ଲାଗେ ପୁଣି ତୁମକୁ
ସେ ତୁମ ପାଖରେ ଥିଲେ ।।
ଝିଅଙ୍କ ଭିଡ଼ରେ ତୁମକୁ ପୁଣି ସେ
କାଇଁ ଭଲ ଲାଗେ ଅଧିକା ।
ମନକୁ ପଚାରି ଥରେ ଭାବି କୁହ
ସିଏ କି ତୁମର ପ୍ରେମିକା ।।