ସିଦ୍ଧି ବିନାୟକ

ଗୌରୀ ଶଙ୍କର ସନ୍ତକ

ପ୍ରଭୁ ସିଦ୍ଧି ବିନାୟକ

ଦିଅ ମୋତେ ଦିବ୍ୟଜ୍ଞାନ

ମୁହିଁ ଅଟଇ ମୂରୁଖ

ରକ୍ଷା କର ବିପଦରୁ 

ଆହେ ବିଘ୍ନ ବିନାଶକ

ମୋର ପାପ ହରି ଦିଅ 

ନାଥ ଅଷ୍ଟ ବିନାୟକ 

ମାଥେ ରଖ ତୁମ ହାତ 

ହେ ମଙ୍ଗଳ ପ୍ରଦାୟକ 

ଅନ୍ଧକାର ଜୀବନକୁ 

କରି ଦିଅ ଆଲୋକିତ 

ଶୁଣ ପ୍ରଭୁ ଗଜାନନ 

ତରି ନିଅ ମୋର ଦୁଃଖ

ହସ ଟିକେ ଓଠେ ଦେଇ 

ପୋଛି ଦିଅ ମୋ ଲୋତକ 

ନିବେଦନ ମୋର ଘେନ

ସାହା ହୁଅ ବୁଦ୍ଧିନାଥ

ଆହେ ପ୍ରଭୁ ଚତୁର୍ଭୁଜ

ତୁମ ବାହନ ମୂଷିକ

ବାହନରେ ବସି ଆସି 

ମୋ ଦ୍ୱାରେ ପାଦ ରଖ

ସନ୍ତୁଷ୍ଟ ହୁଅ ହେ ପ୍ରଭୁ 

ଗ୍ରହଣ କରି ମୋଦକ 

ଆହେ ପ୍ରଭୁ ଲମ୍ବୋଦର

ମୁଁ ଯେ ତୁମରି ଭକତ

ଦିଅ ଥରେ ଦରଶନ

ଗୁହାରି ମୋ ଶୁଣି ରଖ

ପାଇ ତୁମ ଆଶୀର୍ବାଦ

ଜିତି ପାରିବି ଜଗତ

ଅଗ୍ରଗତି କରିବାରେ

ପ୍ରଭୁ ହୁଅ ସହାୟକ

ଶତ୍ରୁ ଯଦି ଆସେ ବାଟେ

ତୁମେ ସାଜିବ ରକ୍ଷକ

ଗୌରୀ ଶଙ୍କର ସନ୍ତକ

ପ୍ରଭୁ ସିଦ୍ଧି ବିନାୟକ

ଦିଅ ମୋତେ ଦିବ୍ୟଜ୍ଞାନ

ମୁହିଁ ଅଟଇ ମୂରୁଖ