ଶ୍ରାବଣ ର ସୋମବାର

ଶ୍ରାବଣର ସୋମବାର

କାନ୍ଧେ ନେଇ ପାଣି ଭାର

ଯାଉଛୁ ରେ ଶିବ ମନ୍ଦିର

ପୂଜିବାକୁ ଶିବ ଶଙ୍କର

ଆଜି ପରା ସୋମବାର।

ଶ୍ରାବଣ ଧାରା କୁ ନାହିଁ ଖାତର

ଖାଲି ପାଦେ ଯାଉ ଶିବ ମନ୍ଦିର

ମୁଖେ ଗାଇ ଗାଇ ଭୋଳା ନାମକୁ

ଭୁଲି ଯାଇ ଥାଉ ପଥ ଶ୍ରମକୁ

ଶୁଦ୍ଧ ପୂତ ମନେ ପୂଜି ଶିବ ଶମ୍ଭୁ

ବରଷି ଦେବେ ସେ ଆଶିଷ ଧାର।

  ଆଜି ପରା ସୋମବାର ।

ଓଁ ନମଃ ଶିବାୟ ପଞ୍ଚାକ୍ଷରକୁ

ହୃଦେ ଭଜି ଭଜି ପ୍ରଭୁ ନାମକୁ

ଜନ୍ମଜନ୍ମାନ୍ତର ପାପ ଧୋଇବୁ

ପ୍ରଭୁଙ୍କ ମଥାରେ ଜଳ ଢାଳିବୁ

  ସାର୍ଥକ ହୋଇବ ଜନ୍ମ ଆମ୍ଭର।

    ଆଜି ପରା ସୋମବାର ।