ଶକ୍ତିଶାଳୀ ଆମ ନୌବାହିନୀ
ଶକ୍ତିଶାଳୀ ଆମ ନୌବାହିନୀ
ସୁରନଦୀ ଦାନ ସ୍ୱର୍ଣ୍ଣପ୍ରସୁ ଭୂମି
ନାମ ସୋନାର ବାଙ୍ଗଲା l
ଉଣେଇଶ ଏକସ୍ତରି ମସିହାରେ
ଲାଗିଲା ମହା ଝାମେଲା ll
ବଙ୍ଗ ବନ୍ଧୁଙ୍କର ବଜ୍ର ନିର୍ଘୋଷ
ସ୍ୱାଧୀନ ବଙ୍ଗଳାଦେଶ l
ଲୁଟିଖିଆ ପାକିସ୍ତାନୀ ଶାସନକୁ
କରିଦେବୁ ଆମ୍ଭେ ଶେଷ ll
ଓକିଲ ଶିକ୍ଷକ ଯୁବତୀ ଯୁବକ
ମୁକ୍ତି ବାହିନୀକୁ ଗଢ଼ି l
ଲାଗିଗଲେ କଳ ବଳ କଉଶଳେ
ଅତ୍ୟାଚାରୀ ଦେବେ ତଡ଼ି ll
ପାକିସ୍ତାନ ରାଷ୍ଟ୍ରପତିଙ୍କ ନିର୍ଦ୍ଦେଶ
ନାମ ତାଙ୍କର ୟାହିଆ l
ମାରି କର ବଶ ଶକ୍ତ ଆଦେଶ
ନିଷ୍ଠୁର ତାର ହିଆ ll
ସ୍ୱର୍ଣ୍ଣପ୍ରସୁ ସେ ବଙ୍ଗ ଭୂମିରେ
ଚାଲିଲା ଦମନ ଲୀଳା l
ଅତି ଆତୁରରେ ବଙ୍ଗ ଜନତା
ଭାରତେ ହାତ ପାତିଲା ll
ଭାରତର ସେନା ବଙ୍ଗ ଭୂମେ ଦେଖି
ମାନବତା ଉଲଂଘନ l
ଧଶେଇ ପଶିଲେ ବୀର ଦର୍ପରେ
ଗର୍ଜିଲା ଘନ କମାଣ ll
କରାଚୀ ବନ୍ଦରୁ ପାକିସ୍ତାନ ପେଶେ
କରି ଭୀଷଣ ଚକ୍ରାନ୍ତ l
ଅସ୍ତ୍ର ଶସ୍ତ୍ରେ ସଜ୍ଜା ବୁଡ଼ା ଜାହାଜଟି
ଲକ୍ଷ୍ୟ ନୌପୋତ ବିକ୍ରାନ୍ତ ll
ପୀ ଏନ ଏସ ଘାଜି ସେ ନିର୍ମିତ
ଆମେରିକା କଉଶଳେ l
ବିଶାଖାପାଟଣା ଠାରେ ବୁଡ଼ାଇବ
ବିକ୍ରାନ୍ତକୁ ଅବହେଳେ ll
ଶ୍ରୀଲଙ୍କାର ଉପକୂଳରେ ଧୀବର
ଦେଖିଲେ ଯାଉଛି ଚାଲି l
ଷଢେଇ ପ୍ରାୟେକ ସାଗର ଉପରେ
ଭାଷି କିସ ହଲି ହଲି ll
ସମ୍ବାଦ ଆସିଲା ବଡ଼ ଆଚମ୍ବିତ
ଭାରତର ନୋଉ ସେନା l
ଜାଣିଲେ ଗଭୀର ସମୁଦ୍ରେ ଚାଲିଛି
ପାକିସ୍ତାନ ବଜ୍ରସେହ୍ନା ll
ଟର୍ପେଡୋ ମାଡ଼ରେ ଘାଜି ବୁଡ଼ିଗଲା
ଅତଳ ସମୁଦ୍ର ଗର୍ଭେ l
ବିଶ୍ୱେ ଶକ୍ତିଶାଳୀ ଆମ ନୌବାହିନୀ
ବୋଲିପାରୁ ଆମ୍ଭେ ଗର୍ବେ ll
ବଙ୍ଗଳାଦେଶ ସେ ସ୍ୱାଧୀନ ହୋଇଲା
ନିଆଜି ଖାଇ ପିଆଜି l
ଭାରତ ମାତାର ଜୟ ଗାନ କଲେ
ବଙ୍ଗ ବନ୍ଧୁ ଶେଖ ମୁଜି ll
ଭାରତର ନୋଉସେନା ବିଶ୍ୱେ ଗଣା
ଶକ୍ତିଶାଳୀ ଅନ୍ୟ ତମ l
କ୍ଷଣିକ ମଧ୍ୟରେ ଭାଙ୍ଗି ଦେଇପାରେ
ଶତ୍ରୁ ଟାଣ ଆଉ ଘମ ll
ଜୟ ଜୟ ବୋଲ ଜୟ ଯବାନ
ଜୟ କିଷାନ ଜୟ l
ଭାରତ ମାତାର ଦୁର୍ଜୟ ଝଣ୍ଡା ଭାରତ
ମାତା କି ଜୟ ll
!!! ଭାରତ ମାତାକି ଜୟ !!!
(ନୌସେନା ଦିବସ ଉପଲକ୍ଷେ)