Library
Profile
ଶିଶୁ ସଂସାର
ଶିଶୁ ସଂସାର
ସୁନ୍ଦର ସଂସାର ସୁଖର ସଂସାର ସଂସାର ଅମୂଲ ମୂଲ,
ସେହି ସଂସାରର ଶିଶୁର ସାଥିରେ ଆଉ କିଏ ହେବ ତୁଲ |୧|
ଫୁଲର କଢ଼ିଠୁଁ ଆହୁରି କୋମଳ କମଳଠୁଁ ଆଉ ସୁନ୍ଦର ,
ଶିଶୁର ହସରେ ହସଇ ଦୁନିଆଁ ଲାଗଇ ଦୁନିଆଁ ମଧୁର |୨|
ଚାରିପାଖ ଲାଗେ ମହମହ ବାସ ସୁବାସିତ ମଧୁ ଅତର,
ଆଖିର ଚମକେ ଚମକେ ଦୁନିଆଁ ସବୁ ଲାଗୁଥାଏ ନିଜର |୩|
ମାଆର ପଣତ କାନିରେ ଝୁଲଇ ଲାଗୁଥାଏ ମଧୁ ମାଳତି,
ମାଆ କାନି ପରା ସରଗ ଝୁଲଣା ଆକାଶରୁ ଝରେ ମୋତି |୪|
ଝରଣା ଜଳର କଳକଳ ଶବ୍ଦ ଆଣଇ ମଧୁର ଗୀତି,
ଶିଶୁ ହସରୋଳ ତହିଁରେ ଭରଇ ସେନେହ ପରଶ ପ୍ରୀତି |୫|
ସଂସାର ମଧ୍ୟରେ ଏପରି ସଂସ
ାର ଯହିଁରେ ଶିଶୁର ଛୁଆଁ,
ସେ ସଂସାର ଲାଗେ ସରଗ ସମାନ ଶିଶୁ ସଂସାର ତା ନାଆଁ |୬|
ଶିଶୁ ସଂସାରରେ ପାଦ ଦେଇଦେଲେ ସବୁ ଲାଗେ ନୂଆ ନୂଆ,
ନିଜ ଜାଗା ନିଜ ବୟସକୁ ଭୁଲି ମନ ହୁଏ ଯାନ୍ତି ଚାଲି |୭|
ଏମିତି ଶିଶୁଟେ କରିଦିଅ ମୋତେ ଗାଉଥିବି ଶିଶୁ ଗୀତି,
ପରାଣ ଭିତରେ ସେନେହକୁ ଭରି ଚାଲୁଥିବି ନିତି ପ୍ରତି |୮|
ଦରୋଟି ହସରେ ଉଠାପକା ଚାଲି ତା ସାଥିରେ ଟିକି କଥା,
କୁହ ତ କେମିତି ଭୁଲିବି ତାହାକୁ ଘୂରିଯାଏ ମୋର ମଥା |୯|
ବୟସକୁ ସିନା ଫେରି ପାରିବିନି ମନକୂ ଫେରାଇ ଦିଅ,
ହୃୃୃୃୃୃୃୃୃୃୃୃଦୟରେ ଭରି ଶିଶୁର ସୁଲଭ ଭାବନାକୂ ଭରି ଦିଅ |୧୦|
