ଶାସକ ଶ୍ରେଷ୍ଠ

ମା ଭଞ୍ଜ ମାଟିର ଗରବ ଗୌରବ

ସୁଯୋଗ୍ୟ ତୁମେ ସନ୍ତାନ l

ସରଳ ନିର୍ଭିକ ଶ୍ରେଷ୍ଠ ଯେ ଶାସକ

ପ୍ରଜା ବତ୍ସଳ ରାଜନ l

ମୟୁରଭଞ୍ଜରେ ଭୂମିଷ୍ଠ ହୋଇଲ

ଭଞ୍ଜ ସୁତ ହେ "ଶ୍ରୀରାମ" l

ସମଗ୍ର ପ୍ରଦେଶେ ଯୁଗ ଯୁଗ ଲାଗି 

ରଖିଗଲ ଯଶ ନାମ l

ଜନତାର ପତି ବିକାଶ ପାଇଁକି

ଚିନ୍ତିତ ଥିଲେ ଆପଣେ l

କେମିତି ଜାଣିବ ତୁମରି ଶାସନ

ଡିବି କଥା ଯେ ନଜାଣେ l

ନିଜ ରାଇଜକୁ ଆଦର୍ଶ ରାଜ୍ୟରେ

କରିବାକୁ ସଦା ଭଞ୍ଜ l

ସର୍ବଦା ତତ୍ପର ଚେଷ୍ଟା ବାର ବାର

କରୁଥିଲ ଦିବା ସଞ୍ଜ l

ମାଆ ମାଟି ପ୍ରୀତି ଭାଷା ଓ ସଂସ୍କୃତି

ଉନ୍ନତି ପାଇଁକି ରାଜ୍ଞ l

ନିଜ ପାଖେ ସଦା ଗୁଣି ଓ ଉଦାର

ରଖୁଥିଲ ଜନ ବିଜ୍ଞ l

ଧରି ରାଜ ଦଣ୍ଡ ସାମ ଦାନ ଦଣ୍ଡ

ଭେଦ କରି ସୁଶାସନ l

ଭାଷା ଆନ୍ଦୋଳନ ପୁରୋଧା ସାଜିଣ

ସ୍ୱତନ୍ତ୍ର ରାଜ୍ୟ ଗଠନ l

ଶିକ୍ଷା,ଦୀକ୍ଷା, ନୀତି ଚିକିତ୍ସା ଉନ୍ନତି

ପ୍ରତିଷ୍ଠା କରିଛ ବହୁ l

ହେ"ଶ୍ରୀରାମ ଚନ୍ଦ୍ର ଭଞ୍ଜ ଦେଓ" ତୁମ

କାଳ କାଳ ଯଶ ରହୁ l