ଶାଶ୍ୱତ ଚେତନା

ସ୍ନେହ ମଞ୍ଜି ବୁଣି ଦେବି

ଫଳିବ ଶ୍ରଦ୍ଧା

ମମତା ମୋତି ବିଞ୍ଚିଦେବି

ନଥିବ ବାଧା

ପ୍ରୀତି ଗଛ ପୋତିଦେବି

ନଥାଉ ସଉଦା

ପ୍ରେମ ଜଳ ସିଞ୍ଚି ଦେବି

ନଥିବ ଅସୁବିଧା

ମୈତ୍ରୀ ଚାରା ରୋପିଦେବି

ସଭିଏଁ ସାଧାସିଧା

ବନ୍ଧନ ବାଡ ଦେବି ଚାରିପଟେ

ଚାରା ବଢ଼ିଚାଲିବ ସିଧା ସାଧା

କୃଷ୍ଣଙ୍କ ନାମ ସାଥେ କୃଷ୍ଣା

ଅଛନ୍ତି ଥିଲେ ଥିବେ ଅଧା

ଆମେ ସବୁ ବୁଣିଦେବା ଜାତୀୟତା

ଦୁଃଖ ଦୈନ୍ୟ ହୋଇବ ବିଦା

ତ୍ରିରଙ୍ଗା ତଳେ ଦେଖୁଥିବା ଶାନ୍ତି

ସଦଭାବନାରେ ସଭିଏଁ ବନ୍ଧା

ଶାଶ୍ୱତ ଚେତନାର ଉଦବୁଦ୍ଧ ହେବା

ମନେ ଜାଗି ସଦ୍ଭାବନା ଶ୍ରଦ୍ଧା

ଫୁଲ ଫଳ ଚାଷ ବାସ ଦେଶ ଦଶ

ଗୋଟିଏ ସୂତାରେ ଛନ୍ଦା

ତ୍ରାହି ତ୍ରାହି କେହି କହିବେନି ଆଉ

ଆସୁ ଯେତେ ବି ବାଧା।