ସେଇ ଆଖି ଦୁଇଟି ପାଇଁ
ସେଇ ଆଖି ଦୁଇଟି ପାଇଁ
ଦେଖିଦେଇ ତୁମ ଆଖି ଦୁଇଟିକୁ
ପଡି ଯାଇଥିଲି ପ୍ରେମେ
କଥାକୁହା ସେଇ ଆଖି ଦୁଇଟି ଲୋ
ଭେଦିଗଲା ମୋର ମର୍ମେ I
ସେଇ ଆଖି ତଳେ ଲୁଚିଲା ଲୋ ସଖୀ
ମୋ ମନର ସବୁ ଖୁସି
ତୁମେ କି ଜାଣିନ ସେଇ ଆଖି ଦେଖି
ନୀରବେ ଦିିଏ ମୁଁ ହସି I
ସେଇ ଆଖିତଳେ ମୋ ହୃଦୟ ଗାଥା
ସପନର ଗନ୍ତାଘର
ସେଇ ଆଖିତଳେ ଲେଖିଛି ମୁଁ ସଖୀ
ପ୍ରଣୟର ଇସ୍ତାହାର I
ଦେଖିଦେଲେ ସେଇ ଆଖି ଦୁଇଟିକୁ
ମୋ ଭିତରେ ଉଠେ ଝଡ
ଜୁଆରିଆ ହୁଏ ଯଉବନ ନଈ
ଭାଙ୍ଗିଦିଏ ବନ୍ଧ ବାଡ I
କବିତାରେ ମୋର ନିତି ନୂଆ ସ୍ୱର
ସରଜେ ଲୋ ସେଇ ଆଖି
ପ୍ରୀତିର ମନ୍ଦିରେ ଶଙ୍ଖଧ୍ୱନି ଶୁଭେ
ତୁମେ ତ ଜାଣିଛ ସଖୀ I
ସେଥିପାଇଁ ଆଜି ଅଜାଡି ଦେଉଛି
ହୃଦୟର ଭରା ପ୍ରେମ
ସେଇ ଆଖି ପାଇଁ ସରଜନା ହେଉ
ଅନୁଭବ ଅନୁପମ I