ସଦିଚ୍ଛା
ସଦିଚ୍ଛା


ତୁ କିଣିଥିଲୁ ଲେଡି ବାର୍ଡ଼ ସାଇକେଲ
ମୁଁ ଲଗାଉଥିଲି ଫୁଲ
ମକର ସଂକ୍ରାନ୍ତି ଆସିଗଲା ପରେ
ମକର ବସି ହେଉଥିଲେ କେତେ ଗେଲ
କଥା ଥିଲା ଆମେ ସମାଜମଙ୍ଗଳ
କାମ କରିଯିବା ଭଲ
ଶୀତ ଦିନେ ତୋ ସାଇକେଲ
ବୋହୁଥିଲା କେତେ କମ୍ବଳ
ଦିନ ଦୁଃଖୀରଙ୍କି ଶୀତକୁ ଛିଙ୍କି
କଷ୍ଟ ପାଉଥିଲେ ଜମଦଣ୍ଡ ତୁଲ
ମକର ଆ ଯିବା କମ୍ବଳ ବାଣ୍ଟିବା
ମକର ଚାଉଳ ଦେବାକୁ ନଭୂଲ
ମାଆ କହୁଥିଲେ ନେଇଯାଅ କିଛି
ସଂକ୍ରାନ୍ତି ଭୋଗ ଚଳେଇକି ସାଇକେଲ
ଦିନ ହେବ ଏଣିକି ଛୋଟ <
/p>
ଦୁଃଖୀ ଦରିଦ୍ର ଜନ ପେଟ
ବୁଝିଲେ ହୁଅଇ ଭବିଷ୍ୟତ ଭଲ
ଆଲୋ ମକର ଯିବା ଧରି ସାଇକେଲ
ଫୁଲରେ ସଜାଇ ସାଇକେଲକୁ
ମକର ସଙ୍ଗେ ସାଙ୍ଗ ସୁଖ ଥିଲା ଭଲ
ସେଦିନ ଗଲାଣି ଆଜି ମନେପଡେ
ମକର ମୋ ଥାଉ ଭଲ
ସିନ୍ଥିରେ ସିନ୍ଦୁର ହାତରେ ଶଙ୍ଖା
ନାଇଥା ମୋ ମକର ଦିଶୁଥା ସତେକି
ସତେଜ ଫୁଲ
ମନେପଡେ ଆଜି ଡାକୁଥିଲେ ତତେ
ଲେଡି ବାର୍ଡ ସାଇକେଲ ଗାର୍ଲ
ଅତୀତ ଯାଇଛି ସଂକ୍ରାନ୍ତି ଆସୁଛି
ମକର ବସୁଛି ଫୁଲ ସଙ୍ଗେ ଆଉ କୋଉ ଫୁଲ
ଝିଅ ସବୁ ଫୁଲ ପରି ହେଲେ
ସଂସାରଟା ସମତୁଲ