ସ୍ବପ୍ନିଳ ସତ୍ୟ
ସ୍ବପ୍ନିଳ ସତ୍ୟ


ମୃତ୍ୟୁଠୁ ଅଧିକ ବଞ୍ଚିବା ଭୟଟି
ସତେ ଭୟାତୁର କରେ
ଜହ୍ନରେ ବସତି ଅପେକ୍ଷା ହାତରେ ଧରିବା
ଅଧିକ ଆତୁର କରେ
ପାଇବା ଅପେକ୍ଷା ହରାଇବା ଚିନ୍ତା
ମନ ଆନ୍ଦୋଳିତ କରେ
ମିଳନ ଅପେକ୍ଷା ବିଚ୍ଛେଦ ଭାବନା
ଆହୁରି କ୍ଷତାକ୍ତ କରେ
ଭବିଷ୍ୟ ଭାବନା ଯେତେ ଡରାଏନି
ଅତୀତ ଡରେଇ ଦିଏ
ବାତୁଳ ଯୌବନ ଅପେକ୍ଷା ବାର୍ଦ୍ଧକ୍ୟ
ସଭିଙ୍କୁ ହରେଇ ଦିଏ
ତିଆରି କରିବା ସତେ ଯେ ସହଜ
ରଖି ପାରିବା ଦୁର୍ଲଭ
ବିଭୂକୃପା ହେଲେ ମୁକ୍ତିପଥ ଦିଶେ
ହୁଏ ଆତ୍ମାନନ୍ଦ ଲଭ୍ଯ ।