ସାରା ଦୁନିଆଁ କୁ ଜିଣିବୁ....

ଯୌବନ ପଥଟା ବଡ଼ ଖସଡ଼ାରେ  

ପାଦ ଚିପି ଚିପି ଚାଲିବୁ

ମନକୁ ତୋହର ଜାବୁଡି ଧରିବୁ

ନହେଲେ ପ୍ରେମରେ ପଡ଼ିବୁ

ପ୍ରେମ ପଥଟା ଆବଡା ଖାବଡା

ଦେଖି ଚାହିଁ ବାଟ ଚାଲିବୁ

ଜୀବନକୁ ତୁହି ଗଢିବାକୁ ହେଲେ

ପ୍ରେମର ପଥକୁ ଛାଡ଼ିବୁ....

ପ୍ରେମ କରିବାକୁ ମନା ନାହିଁ ତୋତେ

ପ୍ରଥମେ ନିଜକୁ ଗଢିବୁ

ନିଜର ଗୋଡ଼ରେ ଯେବେ ଛିଡା ହେବୁ

ପ୍ରେମ ପଥକୁ ଆସିବୁ

ସମୟ ପୂର୍ବରୁ ପ୍ରେମ ପଥେ ଗଲେ

କାନ୍ଦି କାନ୍ଦି ଖାଲି ମରିବୁ

ନିଜକୁ ସଜାଡି ପ୍ରେମ ପଥେ ଗଲେ

ସୁନ୍ଦର ଜୀବନ ପାଇବୁ.....

ପ୍ରଥମେ ଜୀବନ ତାପରେ ସପନ

ଏଇକଥା ମନେ ରଖିବୁ

ଜୀବନ ସପନ ପ୍ରଭେଦ ବୁଝିଲେ

ଜ୍ଞାନୀ ଗୁଣୀଟିଏ ହୋଇବୁ

ପ୍ରେମ କରିବାକୁ ଯେବେ ତୋର ଇଚ୍ଛା

ନିଜ କର୍ମକୁ ପ୍ରେମ କରିବୁ

ନିଜର କର୍ମକୁ ପ୍ରେମ କଲେ ତୁହି

ସାରା ଦୁନିଆଁକୁ ଜିଣିବୁ....