ରୂପଜୀବି

ଦେହର ଭୋକ

ନା ପେଟର ଭୋକ,

କିଏ ମୋତେ

ରୂପଜୀବି ବନେଇଲା

ମୁଁ ଜାଣେନା ।

ମୋ ମଥାରେ ସିନ୍ଦୁର

ଆଉ ହାତରେ ଶଙ୍ଖା,

କାହା ପାଇଁ ଶୋଭାପାଏ

ମୁଁ ଜାଣେନା ।

ଭଦ୍ରତା ଅଭଦ୍ରତା,

ସଭ୍ଯତା ଅସଭ୍ଯତା,

ଏ ସବୁ ଶବ୍ଦର ଅର୍ଥ

ମୁଁ ଜାଣେନା ।

ଶୃଙ୍ଖଳା ଠାରୁ ଶୃଙ୍ଗାରକୁ

ଜୀବନ ଠାରୁ ଯୌବନକୁ

ଅଧିକ ଗୁରୁତ୍ବ ଦେଉଥିବା

ନାରୀଟିଏ ମୁଁ ;

ହେଲେ ଏ ସବୁର ସ୍ଥାୟୀତ୍ବ କେତେ

ସେ କଥା ବି

ମୁଁ ଜାଣେନା।

ମୁଁ ଖାଲି ଏତିକି ଜାଣେ

ଗାନ୍ଧୀମୁଣ୍ଡ ଥିବା

କେତୋଟି କାଗଜ ନୋଟ୍

ମୋର ଅଧିକାର ।

ଏଇ ନୋଟ୍ ନେଇ

ମୁଁ ଗଢିବାକୁ ଚେଷ୍ଟାକରେ

ମୋ ପିଲାର ଭବିଷ୍ଯତ,

ଯାହାର ପିତୃ ପରିଚୟ

ମୁଁ ଜାଣେନା ।

ମୁଁ ଜାଣେନା ।