ରୂପବନ୍ତି ରାଜକୁମାରୀ
ରୂପବନ୍ତି ରାଜକୁମାରୀ
ରୂପ ରାଇଜର ରାଜକୁମାରୀଗୋ
ଲାଜବତୀ ରାଜଜେମା
ତୁମ ପ୍ରତୀକ୍ଷାରେ ଏ ରାତି ପାହିଯାଏ
ପଡେନି ପଲକ ଜମା ।
ତନ୍ଦ୍ରାଭିଜା ରାତି ଦେହେମୋର ତାତି
ଅଳସୀ ଲାଗୁଛି ଜହ୍ନ
ଝରା ସେଫାଳିର ସେ ବୃନ୍ତଚ୍ୟୁତ ଦେହ
କ୍ଷତାକ୍ତ କରୁଛି ମନ ।
ଅଙ୍ଗରାଜି ଆଜି ବେଦନା ପୀଡ଼ାରେ
ତୁମେ କାହିଁ କେତେ ଦୁରେ
ସ୍ବପ୍ନର ମହଲେ ସ୍ବପ୍ନକି ସାଜିଲ
ଆଉକା ପ୍ରୀତି ନିଶାରେ ।
କଥାଦେଇଥିଲ କେବେ ମଥା ଛୁଇଁ
ସହଜେ ଗଲକି ଭୁଲି
ପଛକଥା ସବୁ ପାସୋରିଲ ତୁମେ
ଆଉକା ବାହୁରେ ଝୁଲି ।
ନୀଳ କଇଁ ଆଜି ଗାଏନାହିଁ ଗୀତ
ଭ୍ରମରର ନାହିଁ ଦେଖା
କୋଇଲିଟା ଲୁଚେ ଦୂର ତାଳବଣେ
ଦେଖାଇ ପାରେନି ମୂଖା ।
ରୂପ ରାଇଜର ରାଜକୁମାରୀ ବୋଲି
ମନେ ଭର କାହିଁ ଗର୍ବ
ଏଧରା ଭୁଇଁରେ ଗର୍ବ ଭଲ ନୁହଁ
ହୋଇଯିବ ଦିନେ ଖର୍ବ ।