Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Mamatamanjari Das

Classics Others

4  

Mamatamanjari Das

Classics Others

ରଙ୍ଗେଇଦେ ମୋତେ ତୋ' କଳାରଙ୍ଗେ

ରଙ୍ଗେଇଦେ ମୋତେ ତୋ' କଳାରଙ୍ଗେ

1 min
276


ତୋ' କଳା ରଙ୍ଗେ ରଙ୍ଗାଇଦେ ମତେ

ରଙ୍ଗିନ ହୋଇଯିବି ମୁହିଁ

ତୋ' ସାଥିରେ ମୁହିଁ ବସିବି ମଇତ୍ର

ଆରେ ମୋ କଳା କହ୍ନେଇ ।

ଫଗୁ ରଙ୍ଗ ବୋଳି ତତେ ସଜାଇବି

ଆମ୍ବ ଡାଳିଆ ମୁଁ ଥୋଇ

ରାଈ ଦାମୋଦର ବେଶରେ ତତେରେ

ନିତି ଦେଖୁଥିବି ଭାବଗ୍ରାହୀ ।

ସୁମଧୁର ତାନେ ଗାଇବି ତୋ' ପାଶେ

ଗୀତ ଗୋବିନ୍ଦ ରୁ ପଦେ

ମୋର ସବୁ ରଙ୍ଗ ସେଠି ଫିକା ପଡିଯିବ

ତୁ' ଶୁଣୁଥିବୁ ଯେବେ ।

ଫଗୁର ସମ୍ଭାରେ ତନୁ ହୃଦ ଦେଶ

ହୋଇଗଲେ ରଙ୍ଗାୟୀତ

ହିତା ହିତ ଜ୍ଞାନ ଭୁଲି ମୁଁ ନାଚିବି

ତୋ ସାଙ୍ଗେ ପରାଣ ମିତ ।

ତୋ ସୁମଧୁର ଗାନେ ହଜି ଯାଉଥିବି

ବଂଶୀର ସୁରିଲା ତାନେ

ତୋ'ନାମ ଶୃଙ୍ଗାରେ ରାସ ରଚୁଥିବି

ତୋ ପାଇଁ ରେ ଶ୍ୟାମ ଘନ।

ମନକୁ କରିଛି ଗୋପଦାଣ୍ଡ ମୁହିଁ

ହୃଦୟ ମୋ ମଧୁବନ

ତୋପାଇଁ ସାଜିଛି ଦେବଦାସୀ ଟିଏ

ନାଚୁଅଛି ଛମ୍ ଛମ୍ ।

ପ୍ରୀତି ରଙ୍ଗ ସାଥେ ଭକ୍ତି ଅବିରକୁ

ଗୋଳି ମାଖେ ପ୍ରିୟ ଶ୍ୟାମ

ତନୁ ବଲରୀରେ ଲେଖି ଦେଇଛି ମୁଁ

ପ୍ରିୟବର ତୋର ନାମ ।

ଅଙ୍ଗେ ଅଙ୍ଗେ ମୋର ପ୍ଳାବିତ ହେଉଛି

କୃଷ୍ଣ ପ୍ରୀତି ମନ୍ଦାକିନୀ

ଅମାନିଆ ନୀର ବହେ ଧାର ଧାର

ସତେ ଉଜାଣି ଯମୁନା ପାଣି ।

ମୋ ଶିରା ପ୍ରଶିରାରେ ପ୍ରତି ପ୍ରବାହରେ

ଈଶ୍ୱରୀୟ ଚିନ୍ତା ଧାରା

ଜୀବନ ଜିଇଁବା ଶିଖାଇ ଦେଉଛି

ଏ ମର୍ତ୍ତ୍ୟ ବୈକୁଣ୍ଠେ ପରା ।

ତୋର ସେବା ଟିକେ କରିବା ପାଇଁ

ଏ ମନ ହୁଏ ବ୍ୟାକୁଳିତ

ଆଶୀଷ ର ହାତ ମୋ ମଥାରେ ରଖ

ଆହେ ତ୍ରୀଭୁବନ ନାଥ ।



Rate this content
Log in