ରକ୍ଷା ବନ୍ଧନ
ରକ୍ଷା ବନ୍ଧନ
ଭାଇ ଭଉଣୀ ର ଅତୁଟ ସ୍ନେହ ସମ୍ପର୍କ ,
ରକ୍ଷା ବନ୍ଧନ ଟି ଅଟେ ତାର ପ୍ରତୀକ I
ଭାଇ ପାଇଁ ଭଉଣୀ ଥାଏ ସଦା ଭାବୁକ,
ଦୁହିଁଙ୍କ ସ୍ନେହ ଥାଏ ଅତି ଭାବ ଗର୍ଭକ l ଭାଇ ହାତେ ଯେବେ ଭଉଣୀ ବାନ୍ଧେ ସୁନେଲି ରାକ୍ଷୀ I
ଦେଖି ଝଲସୀ ଯାଏ ସେବେ ସଭିଜନଙ୍କ ଆଖି I
ସେ ତ ନୁହଁ କେବଳ ଏକ ରେଶମି ସୂତାର ଡୋର,
ସେ ତ ଅଟେ ଚିର ଶାଶ୍ୱତ ନିରନ୍ତର ସ୍ନେହ ନିର୍ଝର I
ଯୁଗେ ଯୁଗେ ଅଛି ଏହି ପବିତ୍ର ରାକ୍ଷୀ,
ଭାଇ ଭଉଣୀ ସ୍ନେହ ବନ୍ଧନ ର ମୁକ ସାକ୍ଷୀ I
ଯେବେ ହାରିବାକୁ ଲାଗିଲା ବିଶ୍ଵ ବିଜୟୀ ବୋଲାଉଥିବା ସିକନ୍ଦର,
ତାକୁ ବଞ୍ଚାଇବା ପାଇଁ ତା ସ୍ତ୍ରୀ ବାନ୍ଧି ଥିଲା ରାକ୍ଷୀ ପୁରୁ ରାଜା ହାତର I
ସେ ପାଇଁ ଭଉଣୀ ର ଲାଜ ରଖିବା ପାଇଁ,
ଜାଣିକି ଯୁଦ୍ଧ ରେ ପୁରୁ ରାଜା ହାରିଥିଲେ ଭାଇ I
ଭାଇ ଶ୍ରୀକୃଷ୍ଣ ହାତେ ଭଉଣୀ ସୁଭଦ୍ରା ରାକ୍ଷୀ ବାନ୍ଧି କରି,
ଭାଇ ଦୟାରୁ ସେ ସଦା ନିଜ ସିନ୍ଥିରେ ପାରିଥିଲେ ସିନ୍ଦୂର ଭରି।
ତେଣୁ ଭାଇ କୁ ଭଉଣୀ ସ୍ନେହ ସରାଗରେ ରାକ୍ଷୀ ବାନ୍ଧିଥାଏ,
ତା ବଦଳ ରେ ଭାଇ ଭଉଣୀ ର ରକ୍ଷକ ହୋଇଥାଏ I
ଏହିପରି ଦିନେ ଚିରି ଦେଇ ନିଜର କାନି,
ବାନ୍ଧି ଦେଇଥିଲେ କୃଷ୍ଣ ହାତେ କୃଷ୍ଣା ରାନୀ I
ସେ ଚିରା କନା ହୋଇ ଯାଇଥିଲା ପରମ ରାକ୍ଷୀ,
ସେ ରାକ୍ଷୀ କାଳ କାଳକୁ କଥା ଗଲାଯେ ରଖି I
ରାକ୍ଷୀ ବଦଲରେ ଦିନେ ରଖିଥିଲେ କୃଷ୍ଣ ସଖୀର ମାନ,
ସଖା ସଖୀ ର ପବିତ୍ର ବନ୍ଧନ, ରାକ୍ଷୀ କରିଲା ମହାନ I
ରାକ୍ଷୀ ନୁହଁ ଯେ କେବଳ ଭାଇ ଭଉଣୀ ର ସ୍ନେହ ର ସମ୍ପର୍କ,
ଏ ତ ପରସ୍ପରକୁ ଦେଉଥିବା ରକ୍ଷାକାରୀ ର ପ୍ରତିଶୃତି ର ପ୍ରତୀକ I
ଭାଇ ଟି ଅଟେ କୁଳ ଦୀପକ,
ଭାଇ ଅଟେ ଭଉଣୀ ର ରକ୍ଷକ I
ସେ ପାଇଁ ଭଉଣୀ ଭାଇ ହାତେ ସୁନେଲି ରାକ୍ଷୀ ପିନ୍ଧେଇ ଦିଏ,
ଭାଇ ହାତେ ସେ ସୁନେଲି ରାକ୍ଷୀ ବରଷ ସାରା ଝଟକୁ ଥାଏ I
ଯେବେ ବି ସେ ରାକ୍ଷୀ କୁ ଭାଇ ଦେଖୁ ଥାଏ,
ରାକ୍ଷୀ ଟି ଭାଇ କୁ ତା କର୍ତ୍ତବ୍ଯ କଣ ମନେ ପକାଇ ଦିଏ I
ରାକ୍ଷୀ ଟି କେବଳ ନୁହଁଇ ଏକ ସ୍ନେହ ବନ୍ଧନ,
ଏ ବନ୍ଧନ ରେ ଥାଏ ଏକ ଦାୟୀତ୍ୱ ଜ୍ଞାନ. I
ଯେଉଁ ଭାଇ ସେ ଦାୟୀତ୍ୱ ଜ୍ଞାନ କୁ ସଦା ବୁଝିଥାଏ,
ତା ହାତେ ହିଁ ସଦା ସୁନେଲି ରାକ୍ଷୀ ଝଟକୁ ଥାଏ I
ଭାଇ ଭଉଣୀ ର ସ୍ନେହ ନିର୍ଝରିଣୀ ସଦା ବହୁଥାଉ,
ସେ ନିର୍ଝରିଣୀ ର ବାରି ଧାରା ରାକ୍ଷୀ ହୋଇ,
ଭାଇ ମାନଙ୍କର ହାତେ ସଦା ଝରୁ ଥାଉ I
ଭାଇ ହାତରେ ସୁନେଲି ରାକ୍ଷୀ,
ସଦା ଝଟକାଉ ଥିବୁ ହେ ଚକାଆଖି,
ଚତୁର୍ବଗ ଫଳ ଦେଇ ତାହାକୁ,
ସୁରକ୍ଷିତ ରଖିବୁ ସଦା ତାହାକୁ,
ତୋ କୃପାକାନ୍ତ ହାତକୁ ଟେକି,
ଏତିକି ଅଳି ରଖିବୁ, ମୋ ଚକାଆଖି I