ରେ ମନ ମୋର

ରେ ମନ ମୋର

ଅଯୋଧ୍ୟା ବୁଲି ଥରେ ଆସ! (ଘୋଷା) 

ଦେହକୁ ହେଇଛି ମନା

ମନ ତ କିଛି ବୁଝେନା

ପାରିବ କି କରି କିଏ ବଶ?

ରେ ମନ ମୋର..... 

ରେ ମନ ମୋର

ଅଯୋଧ୍ୟା ବୁଲି ଥରେ ଆସ! (ଘୋଷା)

ପାଶୋରି ସକଳ କାମ

ଜପି ଖାଲି ରାମ ନାମ

ହେଇଯା ପ୍ରଭୁଙ୍କର ଦାସ।

ରେ ମନ ମୋର......

ରେ ମନ ମୋର

ଅଯୋଧ୍ୟା ବୁଲି ଥରେ ଆସ! (ଘୋଷା)

ସହର ସଜେଇ ହେଇ

ସରଗ ଭଳି ଲାଗଇ

ବିରାଜିବେ ବୋଲି ପୀତବାସ।

ରେ ମନ ମୋର.......

ରେ ମନ ମୋର

ଅଯୋଧ୍ୟା ବୁଲି ଥରେ ଆସ! (ଘୋଷା)

ପଥରରେ ରାମାୟଣ

ତୁଳୀରେ ବି ରାମ ଗୁଣ

ଭକତ ଓଠରେ ଖେଳେ ହସ।

ରେ ମନ ମୋର........

ରେ ମନ ମୋର

ଅଯୋଧ୍ୟା ବୁଲି ଥରେ ଆସ! (ଘୋଷା)

ଆଜି ପରା ଭୂମି ପୂଜା

ବିଜେ ହେବେ ରାମ ରାଜା 

ପୂର୍ଣ୍ଣ ହେବ ଭକ୍ତ ଅବଶୋଷ।

ରେ ମନ ମୋର.......

ରେ ମନ ମୋର

ଅଯୋଧ୍ୟା ବୁଲି ଥରେ ଆସ! (ଘୋଷା)

ନାଚୁଛି ଭାରତ ଭୂଇଁ

ହସୁଛି ସରଯୂ ନଈ

କାନ୍ଦିବା ଦିନ ହେଲା ଶେଷ।

ରେ ମନ ମୋର.....