ରାକ୍ଷୀ

ସେନେହ ଶରଧା ମାଖି

ଭାଇ ହାତେ ବାନ୍ଧେ ରାକ୍ଷୀ

ଅଲିଅଳି ସୁନା ଭଉଣୀ

ମଧୁବୋଳା ସୁନା ଛାଉଣୀ

କପାଳରେ ଚନ୍ଦନର ଚିତା ଦେଇ ଲେଖି

ରାକ୍ଷୀ ରାକ୍ଷୀ ରାକ୍ଷୀ ରାକ୍ଷୀ ରାକ୍ଷୀ ।

ରେଶମୀ ଡୋରି ରେ ଭରା ଭାବ ଭରଷା

ଆଶାର ଏ ଆଶାବରୀ ସୁଖ ପରଶା

ଶ୍ରାବଣର ଭସା ବଉଦ

ବରଷା ରେ ତୋଳଇ ଛନ୍ଦ

ଭାଇ ଆଉ ଭଉଣୀର ହସ ଖୁସି ଦେଖି

ରାକ୍ଷୀ ରାକ୍ଷୀ ରାକ୍ଷୀ ରାକ୍ଷୀ ରାକ୍ଷୀ ।

ଦୀପ ଶିଖା ସୁନା ଦୁବ ଫୁଲ ସିନ୍ଦୂର

ଭାଇ ହାତେ ରାକ୍ଷୀ ଦିଶେ କେଡ଼େ ସୁନ୍ଦର

ଭାଇ ପାଇଁ ଶୁଭ ମନାସେ

ଭଉଣୀ ଯେ କାଳିଆ ପାସେ

ଭାଇ କୁ ମୋ ଥିବ ଚାହିଁ ଆହେ ଚକାଆଖି

ରାକ୍ଷୀ ରାକ୍ଷୀ ରାକ୍ଷୀ ରାକ୍ଷୀ ରାକ୍ଷୀ ।