ରାଜହଂସୀ
ରାଜହଂସୀ
ରାଜହଂସୀକୁ ଦେଲେ ଆଉଁସି
ଲମ୍ବାଇ ଦିଏ ବେକ
ଛାଡି ଯାଏନି ତା ଯୋଡ଼ି ହଂସ
ପକାଏ ଖାଲି ଡାକ ।
ଖେଳି ବୁଲନ୍ତି ଆମେ ଦୁଆରେ
କୁହନ୍ତି ମନକଥା
ଦେଖିଲେ ତାଙ୍କୁ ଲାଗେ ଶରଧା
ହରେ ମନରୁ ବ୍ୟଥା ।
ଶାଢ଼ୀକୁ ପିନ୍ଧି ଚାଲିଲେ ଢଳି
ମନ ମୋ ଯାଏ ଭ୍ରମି
ମୋ ପ୍ରାଣ ପ୍ରିୟା ସତେ କି ଅବା
ବିରଳ ରାଜହଂସୀ ।
ମଥାରେ ପିନ୍ଧି ସିନ୍ଦୂର ଟୋପା
ହାତରେ ଶଙ୍ଖା ଚୁଡି
ମୋ ଚାରିପଟେ ଚକର କାଟେ
ଯାଏନି ପାଖ ଛାଡି ।
ସାଥି ଆମର ଏ ହଂସ ଯୋଡ଼ି
ଆମେ ପରାଣମିତ
ଅତୁଟ ଥାଉ ବନ୍ଧନ ଆମ
ସଂସାରେ ଥିବା ଯାକ ।
--------