Library
Profile
ପୂଣ୍ୟ କର୍ମ
ପୂଣ୍ୟ କର୍ମ
ଯେତେ ସବୁ ପୂଣ୍ୟ କର୍ମ କାର୍ତ୍ତିକ ମାସରେ
ପାଳନ କରନ୍ତି ଜନେ ମନ ସନ୍ତୋଷରେ ।
ଭକତ ଜୀବନ ଯାତ୍ରା ସଦା ପୂଣ୍ୟ କର୍ମ
କରି ରତ ଥାଏ ଚିର ଅରଜନେ ଧର୍ମ ।
ଭାରତୀୟ ଧର୍ମ ଗ୍ରନ୍ଥ ସଂସ୍କୃତି ଚେତନା
ସ୍ପନ୍ଦନ ଆହ୍ୱାନ ତୋଳେ ଦିବ୍ୟ ଉପାସନା ।
ବିଧି ଅନୁଯାୟୀ ପାଳି ବ୍ରତ ଉପବାସ
ପୂଣ୍ୟ କର୍ମ କାର୍ତ୍ତିକ ରେ ହୁଏ ଅନୁଷ୍ଠିତ ।
ଦେବା ଦେବୀ ବନ୍ଦନା ଓ ନାମ ସଙ୍କୀର୍ତ୍ତନ
ଚୈତନ୍ୟ ଦେବ ଯେ କରି ଛନ୍ତି ପ୍ରବର୍ତ୍ତନ ।
ଅଷ୍ଟପ୍ରହରୀରେ ନାମ ସଙ୍କୀର୍ତ୍ତନ କରି
ପୂଣ୍ୟ ଉପର୍ଜନେ ଜନେ ଆନନ୍ଦେ ବିହରି ।
>ଉଚ୍ଛୁଳି ଉଠନ୍ତି ଭକ୍ତି ଭାବ ଗଦଗଦେ
ରାଇ ଦାମୋଦର ବେଶ ପୂଜିଲେ ଯେ ଦେବେ ।
ସୁପ୍ରଶସ୍ନ ହୋନ୍ତି ପୂଣ୍ୟ ଅର୍ଜନ ଅଶେଷ
ପୂଣ୍ୟ ଅର୍ଜନ ରେ କାର୍ତ୍ତିକ ହିଁ ଶ୍ରେଷ୍ଠ ମାସ ।
ଦୀପାବଳୀ ପର୍ବ କାଳୀ ପୂଜା ଜଗର୍ଦ୍ଧ।ତ୍ରୀ
ପୂଜା ପର୍ବ ହୋମ ଯଜ୍ଞ ଆୟୋଜନ କରି ।
ଉପାସନା କରାଯାଏ ଏହି କାର୍ତ୍ତିକରେ
ପଞ୍ଚୁକ ବ୍ରତ ପାଳନ କରନ୍ତି ସକଳେ ।
ଚକୁଳିଆ ପଣ୍ଡା ମାନେ ବୁଲି ଗୀତ ଗାଇ
ଦାନ ଆଦାୟ କରନ୍ତି ବୁଲି ଗାଆଁ ସାଇ ।
କାର୍ତ୍ତିକ ମାସରେ ଭାଗବତ ପାରାୟଣ
ପୂଣ୍ୟ କର୍ମ ଅଟେ ହୁଏ ଧର୍ମ ଉପାର୍ଜନ ।
