ପ୍ରତୀକ୍ଷା

ମୁଁ ଜାଣେ ତୁମେ ମୋତେ ଭଲ ପାଅନି

ବୋଧ ହୁଏ ମୁଁ ଭାଙ୍ଗି ପଡିବି ବୋଲି

ମୋ ମନରଖିବା ପାଇଁ ତୁମେ ହଁ କହି ଦିଅ

ହେଲେ ମୁଁ ତୁମ କୁ ନିବିଡ ଭାବେ ଭଲ ପାଏ

ମୁଁ ବି ତୁମ ଠୁ ନା ଶୁଣିବାକୁ ଚାହୁଁନି   ।

ମୋତେ ଦେଖା ନ କରିବାକୁ

ତୁମ ପାଖେ ଅନେକ ବାହାନା

ହେଲେ ମୁଁ ବ୍ୟସ୍ତ ଥିଲେ ବି ତୁମ ପାଇଁ

ମୋ ପାଖେ ସମୟ ହିଁ ସମୟ      ।

ମୁଁ ଜାଣେ ତୁମେ କେବେ ଆସିବନି ମୋ ପାଖକୁ

ହେଲେ ତୁମ ଠାରୁ ନା ଶବ୍ଦ ଶୁଣିବାକୁ ଚାହୁଁନି

ତୁମ ପାଇଁ ମୋର ଏ ପ୍ରତୀକ୍ଷା ହିଁ ପ୍ରେମର ସଞ୍ଜିବନୀ

କିଛି ନ ହେଲେ ହୃଦୟର କେଉଁ କୋଣରେ

ଆମ କଥୋପକଥନର କାଣିଚାଏ ସ୍ମୃତି

ଜୀବନର ଅନ୍ତିମ ସମୟ ଯାଏ ଖୁରାକ

ଯୋଗାଇ ଦେବ ମୋତେ ଜିଇଁବାକୁ।