ପ୍ରତୀକ୍ଷା

ପ୍ରତୀକ୍ଷାରେ ଅଛି ଏ ସାରା ଜଗତ ।

କିଏ କାହାଲାଗି ରହେ ପ୍ରତୀକ୍ଷିତ ।୧।

ଚାହିଁ ବସିଥାଏ ଆସିିବା ପଥକୁ ।

ପ୍ରାପତରେ ସ୍ବର୍ଗ ମିଳିଥାଏ ତାକୁ ।୨।

ଚକୋର ଚନ୍ଦ୍ରକୁ କରଇ ପ୍ରତୀକ୍ଷା।

କୁମୁଦିନୀ କରେ ବନ୍ଧୁକୁ ପ୍ରତୀକ୍ଷା ।୩।

ଚାତକ ମେଘର ପ୍ରତୀକ୍ଷା ନିରତ ।

କମଳ ଭାସ୍କରେ ସଦା ପ୍ରତୀକ୍ଷିତ ।୪।

କାମୀ କାମିନୀଙ୍କୁ ଦେଖ ପ୍ରତୀକ୍ଷିତ ।

ଭକତ ପ୍ରଭୁଙ୍କ ପ୍ରତୀକ୍ଷାରେ ରତ ।୫।

ପ୍ରତୀକ୍ଷାର ଫଳ ମିଷ୍ଟ ସଦା ହୁଏ ।

ପ୍ରାପ୍ତ ହେଲେ ଫଳ ଦୁଃଖ ଦୂର ହୁଏ । ୬।

ବାସନା ମନର ହୁଅଇ ପୂରଣ ।

ପ୍ରତୀକ୍ଷା ପରୀକ୍ଷା କରେ ଅବିଗୁଣ ।୭।