Library
Profile
ପ୍ରମାଦ
ପ୍ରମାଦ
ସଂସାରର ଏବେ ପରିସ୍ଥିତି ଦେଖି
ସଭିଙ୍କ ଜୀବନ ପ୍ରମାଦ ପୂର୍ଣ୍ଣ,
କୀଟ ଠୁଁ ମାନବ ବଞ୍ଚୁଛନ୍ତି ଏବେ
ସମସ୍ୟା ଘେରରେ କାଟି ଜୀବନ l
ଜଳବାୟୁ ଏବେ ପ୍ରଦୂଷଣ ଭରା
ଅମ୍ଳଜାନ ସେ ତ ଯାଉଛି କମି,
ଜଳସ୍ତର ଦିନୁ ଦିନେ କମିଯାଏ
ପ୍ରମାଦରେ ଏବେ ସକଳ ପ୍ରାଣୀ l
କେବେ ନିଜ କଲା କୃତ କର୍ମ ପାଇଁ
ଘୋଟିଆସେ ଜୀବନରେ ପ୍ରମାଦ,
ଭୁଲ୍ ପଥରେ ପାଦ ବଢ଼ାଇଲେ
ଜୀବନରେ ଆସିଯାଏ ବିପଦ l
ବୃକ୍ଷର ଛେଦନ ମାନବଙ୍କ ଦ୍ୱାରା
ସୃଷ୍ଟିରେ ଜୀବଙ୍କ ବଢାଏ ଖେଦ,
ସୃଷ୍ଟିର ଭାରସାମ୍ୟ ନଷ୍ଟ କରି
ଡାକି ଆଣେ ପ୍ରକୃତିରେ ପ୍ରମାଦ l
p>
ସମାଜଟି ଏବେ ବିପଦ ଶଙ୍କୁଳ
ନର ଓ ନାରୀଙ୍କ ଚଳିବା ପାଇଁ,
ଏକୁଟିଆ କାହିଁ ନାରୀଟିଏ ଏବେ
ଦିବସରେ ମଧ୍ୟ ପାରୁନି ଯାଇ l
ଗାଡି ମଟରର ସଂଖ୍ୟା ବଢିଯାଏ
ପଥେ ଦୁର୍ଘଟଣା ଆଶଙ୍କା ଥାଏ,
ଚୋରି ରାହାଜାନୀ ପକେଟମାରଙ୍କ
ଭୟରେ ଜନତା କାତର ହୁଏ l
ଜଗି ରଖି ଯଦି ଚଳିବା ଜୀବନେ
ଆଶା ଆଶଙ୍କାରୁ ରହିବା ଦୂରେ,
ସତପଥେ ସଜାଗ ହୋଇ ଚଳିଲେ
ପ୍ରମାଦ ଆସିବ ନାହିଁ ପଥରେ l
ପ୍ରମାଦରେ ଗ୍ରସ୍ତ ମାନବ ହୋଇଲେ
କରିପାରେ ନାହିଁ କିଛି ପ୍ରଗତି,
ଏକା ସାହା ପ୍ରଭୁ ଜଗତ କରତା
ପ୍ରମାଦ ବେଳରେ ସାହା ହୁଅନ୍ତି ll
