ପ୍ରିୟତମା
ପ୍ରିୟତମା
1 min
258
ରଙ୍ଗରେ ରଙ୍ଗିଛି ଫଗୁଆ ଫଗୁଣ
ଠାର ମାରିଲାଣି ପଣତକାନି
ପାଖକୁ ଟିକିଏ ଲାଗ ପ୍ରିୟତମା
ପୀରତି ପସରା ନୈବେଦ୍ୟ ଘେନି ,
ଋତୁରାଜ ଆଗମନୀ ;
ବଉଳ ବାସର ମହକ ତାଳରେ
ଗାଇବା ପ୍ରେମର ମନ୍ତର ଧ୍ବନୀ...0
ମନେ ଆଶା ବାନ୍ଧି ଭାବେ ଭାବ ଛନ୍ଦି
ରୂପର ପସରାରେ ଯାଇଛି ହଜି
ସଦ୍ୟସ୍ନାନ ବାସ୍ନା ବିଭୋର କରୁଚି
ଭାସେ ତୁମ ହାସ୍ୟ ହସ ମୁଖରାଜି ,
ମନଟା ହେଲାଣି ଭାଜି ;
ପ୍ରଣୟ ପିୟୁଷେ ତୃଷ୍ଣା ମୋ' ମେଣ୍ଟାଅ
ପ୍ରୀତିଦାନ କର ପ୍ରଣୟୀ ସାଜି....୧
କ୍ଷୀଣ କଟୀ ସଜ ସତେ ଲତା ରାଜ
ବାହୁପରେ ମୋର ଆସରା ନେଇ
ଗଭା ଗଜରାର ସୁଗନ୍ଧେ ହଜାଅ
ବିରସ ରସର ବେଦନା ଛାଇ ,
ପ୍ରେମ ହେଉ କାଳଜୟୀ ;
ମନର କାମନା ଲୀନ କର ଲିନା
ପିରତୀ ପସରା ନୈବେଦ୍ୟ ଦେଇ....୨