ପ୍ରିୟା ସାଜିଲା ମହାକାଳ ଫଳ

ସରୋଜ କୁମାର ଜେନା

ମୋ ଜୀବନକୁ ଦେଇଣ ଜଳାଞ୍ଜଳି

ପାଇଥିଲି ତୋତେ ଭଲ ,

ଭଲ ପାଇବାର ଉପହାର ଦେଲୁ

ପାଇଗଲି ଭଲ ମୁଲ ...।୧।

ଆଖି ଆଜି ମୋର କାନ୍ଦୁ ନାହିଁ ପ୍ରିୟା

କାନ୍ଦୁଛି ମୋର ହୃଦୟ ,

ତୋର ବଡ଼ ପଣ ଅଟେ ଭାରି ଟାଣ

ଜାଣିଲି ତୁହି ନିର୍ଦୟ ...।୨।

ଲତା ଓହଳରେ ଝୁଲୁଥିଲୁ ତୁହି

ଥିଲୁ ମହାକାଳ ଫଳ,

ସେ ଫଳକୁ ମୁହିଁ ତୋଳି ଆଣିଥିଲି

ସଜେଇବାକୁ ମହଲ ...।୩।

ସାଜି ମହାକାଳ ପ୍ରେମରେ ବୋଳିଲା

ମୋ ମନରେ ଲାଲ୍ ରଙ୍ଗ ,

ଗର୍ଭ ରଙ୍ଗ ବୋଳି କରିଲା ବିଲିନ

ଦେଖାଇଲା ପ୍ରେମ ଢଙ୍ଗ ..।୪।

ତୋହରି ପ୍ରେମକୁ ମଣୁ ଏକ ଫଳ

ସଭିଙ୍କୁ ରୁଚି ଚଖାଉ ,

ଫଳ ପରି ପଚି ହୋଇବୁ ବିଲିନ

ନଥିବ ତୋହରି ଭାଉ ...।୫।

ମୋହରି ପ୍ରେମକୁ କରିଲୁ ନିର୍ଘାତ

ଦେଲୁ ମୋତେ ପ୍ରତାରଣା ,

ଭୁଲ୍ ବାଟରେ ପାଦ ମୁଁହିଁ ଥାପିଣ

ହୋଇଗଲି ବାଟବଣା ...।୬।

ପ୍ରେମ କରି ଏଠି ଯାହାମୁଁ ପାଇଲି

ନିଇତି ହେଉଛି ଝୁରି ,

କାହାରି ଭାଗ୍ୟରେ ଏପରି ଦୁର୍ଦ୍ଦଶା

ଦିଅ ନାହିଁ ହେ ସୁନ୍ଦରୀ ...।୭।

( ବାଲିଝରୀ, ନରସିଂହପୁର,କଟକ)

ମୋ/୯୩୪୮୭୮୩୭୯୧