ପରିବେଶ

ଅଦିନରେ ଝଡ଼ ଆସେ ବାତ୍ୟା ବଡ଼

ହଟିଯାଏ ମନ ବଳ

ପ୍ରଚଣ୍ଡ ଖରାରେ ବଂଚିବା ପରାରେ

ଅସଂଜତ ସବୁ କଳ ।

ହିଁନ ବୃଷ୍ଟି ପୁଣି ବନ୍ୟାଜଳରେ

ଉଜୁଡି ଯାଉଛି ଚାଷ

ପବନରେ ଗଛ ତଳେ ସୋଇପଡ଼େ

ଉଡାଇ ନେଉଛି ବାସ ।

ଖାଦ୍ୟ ଭେଜାଲ ଦରଦାମ ଚଢା

ଜଟିଳ ରୋଗରେ ପଡ଼ି

କୁଢ଼ କୁଢ଼ଶବ ସତ୍କାର ନହୋଇ

ଶ୍ଣଶାନ ଭୂମିରେ ଗଡି ।

ଲୁଟିନିଏ ସାଧୁ ଦେଶର ଧନକୁ

କହିଲେ ସରିଲା ପାଠ

ନେତାଙ୍କ କଥାରେ କେତେ ସତ ଅଛି

ଦେଖାନ୍ତି ଓଲଟା ବାଟ ।

ଜଙ୍ଗଲକୁ କାଟି କାରଖାନା ପାଇଁ

ବୋହି ନେଲେ ଜାଳ କାଠ

ଆଉ ନାହିଁ ତୋଟା ଆମ୍ବ ବଗିଚା

ପଶୁପକ୍ଷୀଙ୍କର ନାଟ ।

ଆସିଛି କରୋନା ଚାଲିଛି ବାହାନା

ମିଛ ସତ ଦୁହେଁ ମିତ

ପୋଲିସଙ୍କ ହାତେ ନିରୀହ ଜନତା

ଫାଇନ ଗଣନ୍ତି ବିତ ।

ଚାଷୀ ଭାଇ ପାଇଁ କେବଳ ଭାଷଣ

କଷଣ ତା ଭାଗ୍ୟ ରେଖା

ଖଟୁଛି ବୋଲି ସେ ଖାଉଛୁ ସରବେ

ସହଯୋଗ ନାହିଁ ଦେଖା ।

ପୁଞ୍ଜୀଭୂତ କ୍ଷୋଭ ଭୟଙ୍କର ରୂପ

କରୋନା ଆସଇ ଧାଇଁ

ପରିବେଶ ଯଦି ସୁଧୁରିବ ନାହିଁ

ଯିବ ଗୋଟେ ଗୋଟେ ଖାଇ ।

•