Library
Profile
ପ୍ରେମ
ପ୍ରେମ
ପ୍ରେମ କାହା ପାଇଁ ପୂଜା
ତ କାହା ପାଇଁ ଅର୍ଘ୍ୟ,
ପ୍ରେମ କାହା ପଇଁ ସ୍ବପ୍ନ
ତ କାହା ପାଇଁ ଦର୍ପଣ ।
ପ୍ରେମ କାହା ପାଇଁ ସ୍ମୃତି
ତ କାହା ପାଇଁ ଅନୁଭୁତି,
ପ୍ରେମ କାହା ପାଇଁ ବାଲିଘର
ତ କାହା ପାଇଁ ବଡ଼ ଦେଉଳ ।
ପ୍ରେମ କାହା ପାଇଁ ସ୍ମୃତି ଛବି
ତ କାହା ପାଇଁ ମନର ମିତ,
ପ୍ରେମ କାହା ପାଇଁ ମିଠା ଜହର
ତ କାହା ପଇଁ ସ୍ନେହ ଉପହାର ।
ପ୍ରେମ କାହା ପାଇଁ ଦୁଃଖ
ତ କାହା ପାଇଁ ଜୀବନ ସୁଖ,
ପ୍ରେମ କାହା ପାଇଁ ହସ
ତ କାହା ପାଇଁ ଆଜୀବନ କାନ୍ଦ ।
ପ୍ରେମ କାହା ପାଇଁ ଝରଣା
ତ କାହା ପାଇଁ ଅଶ
୍ରୁ ଝର,
ପ୍ରେମ କାହା ପାଇଁ ମିଳନ
ତ କାହା ପାଇଁ ଜୀବନ ବିଚ୍ଛେଦ ।
ପ୍ରେମ କାହା ପାଇଁ ବହି ମଲାଟ
ତ କାହା ପାଇଁ ରୂପେଲି ପାରଦ,
ଲେଖିଲେ ପ୍ରେମର ପରିଭାଷା
କଦାପି କେବେ ହେଁ ହେବନି ଶେଷ ।
ଜୀବନ ମାନେ ପ୍ରେମବନ୍ଧନ
ଜୀବନ ମାନେ ଭଲ ପାଇବା,
ପ୍ରେମକୁ ଛାଡି କେହି କେବେ
ବଞ୍ଚି ପାରିବେନି ବିନା ପ୍ରେମର ଭାବ ।
କଥାରେ ଅଛି ପ୍ରେମ ହିଁ ପୂଜା
ପ୍ରେମ ହିଁ ଶକ୍ତି ଭଗବାନଙ୍କ,
ସତୀ ପ୍ରେମରେ ହାରି ଥିଲେ
ଯୋଗୀ ଦେବ ଦେବ ମହାଦେବ ।
ଶେଷେ ଗ୍ରହଣ କଲେ ନିଜେ
ପାର୍ବତୀ ରୂପରେ ସତୀ ଦେବୀ,
ଅର୍ଦ୍ଧ ନାରୀଶ୍ୱର ରୂପ ହେଲେ
ଜାଣିଲେ ଜଗତ ପ୍ରେମ ଗୀତି ।।
